Войдите в аккаунт Google. И обновите страницу
Прочитать текст документа >>> Глас первый. Октоих Неделя. осьмогласник

Глас 1-й. Вторник.


Church Slavonic language Google
1
Послание к Колоссянам (Кол) 2 паралипоменон • www.церковно-славянская-библия.рф 2 паралипоменон ЕС Послание к Титу святого апостола Павла Книга Песни Песней Соломона (Песн) Вторая Книга Царств Синодальный перевод. Книга пророка Иезекииля (Иез) Синодальный перевод. Евангелие от Иоанна (Ин) Первая Книга Ездры К коринфянам второе послание святого апостола Павла Церковно-славянский язык
октоих

Вторник. Глас 1-й. Октоих



прокимен

Mon, 29 May 2017 06:18:16 GMT
  • Священномученик Александр, епископ Иерусалимский.
  • Преподобный Феодор назван «Освященным» потому, что первый в своей обители был рукоположен во

    http://vk.com/wall152396168_15170
    Mon, 29 May 2017 04:54:21 GMT
  • Вытирать лапти у входа!
  • ...а также от межрегионального общественного благотворительного фонда "Глас ангельской

    http://potsreotizm-new.livejournal.com/1370014.html
    Mon, 29 May 2017 05:04:27 GMT
  • В краю средь гор и цветущих долин Текла река, исчезая вдали.
  • В дорогу звал глас таинственных гор. Три сына там покидали свой дом.

    http://vk.com/wall160384477_4042
    Mon, 29 May 2017 06:02:13 GMT
  • 29 мая – День памяти святого преподобного Феодора...
  • Преподобный Феодор назван "Освященным" потому, что первый в своей обители был рукоположен во священники. Тропарь, глас 1

    http://vk.com/wall-21651756_5533
    Mon, 29 May 2017 06:02:13 GMT
    • Глас 1-й. Неделя.

      http://www.ponomar.net/cgi-bin/bookreader2.cgi?uuid=3aa700f9-d1ec-11e0-8152-a852e556f697&file=1_2.xml
      Mon, 29 May 2017 05:33:44 GMT
    • 28 мая (по старому стилю 15 мая). Неделя 7-я по Пасхе.
    • Неделя 7-я по Пасхе. Воспоминание Великого Вселенского Собора первого, в Никее бывшего. Тропарь, глас 8 (в Неделю святых 318-ти богоносн

      http://vk.com/wall413882736_928
      Mon, 29 May 2017 05:30:05 GMT
    • Где ж русский дух? Всеславянский съезд решает, как снова...
    • В первый день делегаты обсудили проблемы борьбы с мировым злом в лице Запада, вывели

      http://vk.com/wall-76053647_72861
      Mon, 29 May 2017 04:22:57 GMT
    • 16 мая по старому стилю ПОНЕДЕЛЬНИК 29 мая по новому стилю...
    • Глас 6.

      http://vk.com/wall-128323646_1810
      Mon, 29 May 2017 05:33:55 GMT
    • 28 мая (по старому стилю 15 мая). Неделя 7-я по Пасхе.
    • Неделя 7-я по Пасхе. Воспоминание Великого Вселенского Собора первого, в Никее бывшего. Тропарь, глас 8 (в Неделю святых 318-ти богоносн

      http://vk.com/wall-104030874_832
      Mon, 29 May 2017 05:01:40 GMT
    • 29 мая Федор Житник. В это время обычно зацветает рябина.
    • Назван он «освященным» потому, что первым в своей обители был рукоположен во священники.

      http://vk.com/wall269055868_20991
      29 мая Федор Житник. В это время обычно зацветает рябина. Глас первый вторник октоих докс

      докс Вторник Глас 1-й Октоих — Рамблер/поиск

      lib.pravmir.ru/library/book/1858

      Октоих. Источник: http://orthlib.ru. Содержит службы восьми гласов. На церковно-славянском языке. ... Вторник · Глас 1-й. Среда · Глас 1-й. Четверг · Глас ...

      lib.pravmir.ru/library/readbook/1858

      Глас 1-й. Воскресенье. NКТW1ИХЪ. си1рэчь. NСМОГЛА1СНИКЪ. глaсы №<-> д7. МосквA , Моск0вскаz Патриархjz, ¤ацп7а. По благословению ...

      azbyka.ru/bogosluzhenie/oktoih/okt01_v.shtml

      ГЛАС 1. В СУББОТУ НА ВЕЛИЦЕЙ ВЕЧЕРНИ. На Господи воззвах поставим стихов 10, и поем стихиры воскресны, глас 1. В СУББОТУ НА ВЕЛИКОЙ ...

      azbyka.ru/bogosluzhenie/oktoih/okt01_u.shtml

      По шестопсалмии Бог Господь, на глас 1 и глаголем тропарь воскресный, дважды, ... Поем Бог – Господь: на 1 глас, и дважды воскресный тропарь, ...

      www.google.com/intl/ru_us/docs/about

      Day 1 / Golden Gate Bridge. The Golden Gate Bridge is a suspension bridge spanning the Golden Gate strait, the 1 mile wide, 3 mile long channel between San ...

      Поисковая технология 

      Let's block ads! (Why?)



      Глас первый вторник октоих докс

      докс Вторник Глас 1-й Октоих — Рамблер/поиск

      #text =
      channel = https://yandex.ru/blogs/rss/search?ft=blog&text=%D0%B4%D0%BE%D0%BA%D1%81%20%D0%92%D1%82%D0%BE%D1%80%D0%BD%D0%B8%D0%BA%20%D0%93%D0%BB%D0%B0%D1%81%201-%D0%B9%20%D0%9E%D0%BA%D1%82%D0%BE%D0%B8%D1%85%20%E2%80%94%20%D0%A0%D0%B0%D0%BC%D0%B1%D0%BB%D0%B5%D1%80%2F%D0%BF%D0%BE%D0%B8%D1%81%D0%BA&full=1&holdres=mark докс Вторник Глас 1-й Октоих — Рамблер/поиск в blog — Яндекс.Поиск по блогам https://img.yandex.net/i/logo100x43.png Поиск Яндекса по блогам https://yandex.ru/blogs 100 43 60 yandex.ru/blogs support@blogs.yandex.ru noindex Результаты поиска Яндекса по блогам и форумам по запросу: «докс Вторник Глас 1-й Октоих — Рамблер/поиск» в blog 0
      #text =

      SLAVONIC = (с. 77) Въ понедѣ́льникъ ве́чера, на Гдⷭ҇и воззва́хъ, стїхи̑ры, гла́съ а҃. Подо́бенъ: Прехва́льнїи мч҃нцы: Сті́хъ: А҆́ще беззакѡ́нїѧ на́зриши гдⷭ҇и, гдⷭ҇и кто̀ постои́тъ; ꙗ҆́кѡ ᲂу҆ тебѐ ѡ҆чище́нїе є҆́сть. Всѐ житїѐ моѐ сра́мнѡ и҆зжи́хъ, гдⷭ҇и, со блꙋдни́цами ѻ҆каѧ́нный, ꙗ҆́коже блꙋ́дный ᲂу҆миле́нїемъ зовꙋ̀: ѻ҆́ч҃е нбⷭ҇ный, согрѣши́хъ, ѡ҆чи́сти и҆ сп҃си́ мѧ, и҆ не ѿри́ни менѐ, самого̀ себѐ ѿ тебѐ ᲂу҆дали́вшагосѧ, и҆ безпло́дныхъ ра́ди дѣ́лъ ны́нѣ ѡ҆бнища́вшаго. Сті́хъ: И҆́мене ра́ди твоегѡ̀, потерпѣ́хъ тѧ̀ гдⷭ҇и, потерпѣ̀ дꙋша̀ моѧ̀, въ сло́во твоѐ, ᲂу҆пова̀ дꙋша̀ моѧ̀ на гдⷭ҇а. Ѡ҆бнища́въ бога́тъ сы́й хрⷭ҇тѐ, человѣ́ки ѡ҆богати́лъ є҆сѝ безсме́ртїемъ и҆ свѣ́тлостїю. тѣ́мже ѡ҆бнища́вша мѧ̀ сластьмѝ жите́йскими, добродѣ́тельми ѡ҆богатѝ, и҆ съ ни́щимъ ла́заремъ ᲂу҆чини́ мѧ, бога́тагѡ мꙋче́нїѧ и҆з̾има́ѧ мѧ̀ и҆ гее́нны предлежа́щїѧ мѝ. Сті́хъ: Ѿ стра́жи ᲂу҆́треннїѧ до но́щи, ѿ стра́жи ᲂу҆́треннїѧ да ᲂу҆пова́етъ і҆и҃ль на гдⷭ҇а. Ѕло́бою ѡ҆богати́хсѧ лю́тѣ, и҆ пи́щꙋ возлюби́хъ, и҆ въ житїѝ воспрїѧ́хъ блага̑ѧ гдⷭ҇и, и҆ въ гее́ннꙋ ѡ҆сꙋжде́нъ бы́хъ: гла́днꙋющїй ᲂу҆́мъ мо́й, ꙗ҆́кѡ ла́зарѧ презрѣ́хъ, пред̾ враты̀ бж҃е́ственныхъ твои́хъ дѣѧ́нїй пове́рженъ, ᲂу҆ще́дри мѧ̀ гдⷭ҇и. И҆́ны стїхи̑ры прⷣте́чи. Подо́бенъ: то́йже. Сті́хъ: Ꙗ҆́кѡ ᲂу҆ гдⷭ҇а млⷭ҇ть, и҆ мно́гое ᲂу҆ негѡ̀ и҆збавле́нїе, и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀. Прⷪ҇ро́че чꙋ́дный, хрⷭ҇то́въ крⷭ҇ти́телю и҆ прⷣте́че, и҆зсо́хшее се́рдце моѐ безмѣ́стїемъ, рѣ́ки сле́зъ приснотекꙋ́щихъ сотворѝ пролїѧ́ти мл҃твами твои́ми: и҆ молю́ тѧ, ꙗ҆́кѡ да сп҃са́емь тобо́ю многоболѣ́зненный, велича́ю тебѐ возвели́чившаго. (с. 78) Сті́хъ: Хвали́те гдⷭ҇а всѝ ꙗ҆зы́цы, похвали́те є҆го̀ всѝ лю́дїе. Прⷪ҇ро́че бл҃же́нне, къ тебѣ̀ наде́ждꙋ мою̀ всю̀, и҆ живо́тъ возлага́ю ча́ѧнїѧ моегѡ̀, и҆́же хрⷭ҇та̀ крⷭ҇ти́въ і҆и҃са, бе́зднꙋ взе́млющаго мі́ра прегрѣшє́нїѧ. того̀ молѝ і҆ѡа́нне, молю́сѧ тѝ, се́рдце моѐ ѡ҆чи́стити, и҆ сп҃сти́ мѧ. Сті́хъ: Ꙗ҆́кѡ ᲂу҆тверди́сѧ млⷭ҇ть є҆гѡ̀ на на́съ, и҆ и҆́стина гдⷭ҇нѧ пребыва́етъ во вѣ́къ. Проповѣ́дниче мꙋ́дре бл҃года́ти, и҆́же всѣ̑мъ ꙗ҆зы́кѡмъ покаѧ́нїе предвозвѣсти́вый, всеѻкаѧ́ннѣй мое́й и҆ ѡ҆слѣпле́нной дꙋшѝ, бж҃е́ственный прⷣте́че, пребыва́ти въ покаѧ́нїи бл҃говолѝ, и҆ во́лю гдⷭ҇ню дѣ́ѧти всегда̀, да вѣ́рою и҆ любо́вїю сла́влю тѧ̀. Сла́ва, и҆ ны́нѣ, бг҃оро́диченъ: А҆́гнца, мі́ра всегѡ̀ взе́млющаго грѣхѝ, є҆го́же превели́кїй прⷣте́ча всѣ̑мъ проповѣ́да, съ ни́мъ дв҃о молѝ, ко́злищъ ча́сти ꙗ҆ви́ти мѧ̀ чꙋ́жда въ ча́съ сꙋ́дный, и҆ ѻ҆вца́мъ десны̑мъ є҆гѡ̀ сочта́ти менѐ недосто́йнаго. Та́же: Свѣ́те ти́хїй: Прокі́менъ днѐ: И҆ є҆ктенїа̀. Посе́мъ: Сподо́би гдⷭ҇и въ ве́черъ: На стїхо́внѣ стїхи̑ры покаѧ́нны. Гла́съ а҃: Ꙗ҆́кѡ пꙋчи́на мно́га прегрѣше́нїй мои́хъ сп҃се, и҆ лю́тѣ погрꙋжа́юсѧ согрѣше́ньми мои́ми, да́ждь мѝ рꙋ́кꙋ, ꙗ҆́кѡ петро́ви, и҆ сп҃си́ мѧ бж҃е, и҆ поми́лꙋй мѧ̀. Сті́хъ: Къ тебѣ̀ возведо́хъ ѻ҆́чи моѝ, живꙋ́щемꙋ на нб҃сѝ, сѐ ꙗ҆́кѡ ѻ҆́чи ра̑бъ въ рꙋкꙋ̀ госпо́дїй свои́хъ, ꙗ҆́кѡ ѻ҆́чи рабы́ни въ рꙋкꙋ̀ госпожѝ своеѧ̀, та́кѡ ѻ҆́чи на́ши ко гдⷭ҇ꙋ бг҃ꙋ на́шемꙋ, до́ндеже ᲂу҆ще́дритъ ны̀. Ꙗ҆́кѡ въ помышле́нїихъ лꙋка́выхъ и҆ въ дѣ́лѣхъ ѡ҆сꙋди́хсѧ сп҃се, мы́сль мнѣ̀ да́рꙋй ѡ҆браще́нїѧ бж҃е, да зовꙋ́ ти: сп҃си́ мѧ бл҃годѣ́телю бл҃гі́й, и҆ поми́лꙋй мѧ̀. Сті́хъ: Поми́лꙋй на́съ гдⷭ҇и, поми́лꙋй на́съ, ꙗ҆́кѡ по мно́гꙋ и҆спо́лнихомсѧ ᲂу҆ничиже́нїѧ: наипа́че напо́лнисѧ дꙋша̀ на́ша поноше́нїѧ гобзꙋ́ющихъ, и҆ ᲂу҆ничиже́нїѧ го́рдыхъ. (с. 79) Мч҃нченъ: Є҆́же на сꙋди́щи ва́ше и҆сповѣ́данїе ст҃і́и, де́мѡнѡвъ ѡ҆плева̀ си́лꙋ, и҆ ѿ пре́лести человѣ́ки свободѝ. тѣ́мже и҆ глава́мъ ᲂу҆сѣка́ємымъ, взыва́сте: да бꙋ́детъ гдⷭ҇и, же́ртва дꙋ́шъ на́шихъ бл҃гопрїѧ́тна пред̾ тобо́ю, ꙗ҆́кѡ тебѐ возлюби́вше, неради́хомъ ѡ҆ вре́меннѣй жи́зни, человѣколю́бче. Сла́ва, и҆ ны́нѣ, бг҃оро́диченъ: Дв҃о всепѣ́таѧ, ю҆́же въ тебѣ̀ та́йнꙋ мѡѷсе́й прⷪ҇ро́ческима ви́дѣ ѻ҆чи́ма, кꙋпинꙋ̀ горѧ́щꙋ и҆ неѡпалѧ́емꙋ: бж҃ества́ бо ѻ҆́гнь ᲂу҆тро́бꙋ твою̀ чⷭ҇таѧ, не ѡ҆палѝ. тѣ́мже мо́лимъ тѧ̀ ꙗ҆́кѡ мт҃рь бг҃а на́шегѡ, ми́ръ и҆спроси́ти мі́рови, и҆ ве́лїю млⷭ҇ть. Та́же, Ны́нѣ ѿпꙋща́еши: Трист҃о́е. По Ѻ҆́ч҃е на́шъ: Тропа́рь и҆ ѿпꙋ́стъ. Въ понедѣ́льникъ на повече́рїи,, канѡ́нъ прест҃ѣ́й бцⷣѣ. Гла́съ а҃. Пѣ́снь а҃ І҆рмо́съ: Пѣ́снь побѣ́днꙋю пои́мъ всѝ бг҃ꙋ, сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ. Свѧще́нїе пречⷭ҇тое ра́дꙋйсѧ дв҃о, а҆́гг҃лѡвъ ᲂу҆краше́нїе, и҆ прїѧ́телище дх҃а, невѣ́сто непоро́чнаѧ ѻ҆ц҃а̀ безнача́льна, и҆ мт҃и сло́ва бж҃їѧ. Цр҃и́ца є҆сѝ, ꙗ҆́кѡ цр҃е́ва дщѝ, прозѧ́бши бцⷣе влⷣчце, и҆ цр҃ѧ̀ бг҃а ро́ждши пло́тїю, и҆ съ ни́мъ црⷭ҇твꙋеши. Сла́ва: Пое́тъ ржⷭ҇тво̀ твоѐ дв҃дъ пѣве́цъ, превоспѣва́етъ же и҆са́їа ᲂу҆тро́бꙋ твою̀ пречⷭ҇тꙋю, мр҃і́е всечⷭ҇таѧ, хрⷭ҇тїа́нстїи же лю́дїе сла́вѧтъ ржⷭ҇тво̀ твоѐ. И҆ ны́нѣ: Проповѣ́дꙋетъ цр҃ковь ржⷭ҇тво̀ твоѐ дв҃о бг҃оневѣ́сто, правосла́вными ᲂу҆че́нїи, и҆ вещьмѝ бж҃е́ственными, ѡ҆бразѡ́мъ бо воплоще́нїѧ сн҃а твоегѡ̀ покланѧ́етсѧ. (с. 80) Пѣ́снь г҃ І҆рмо́съ: Ка́мень, є҆гѡ́же небрего́ша зи́ждꙋщїи, се́й бы́сть во главꙋ̀ ᲂу҆́гла: то́й є҆́сть ка́мень, на не́мже ᲂу҆твердѝ цр҃ковь хрⷭ҇то́съ, ю҆́же ѿ ꙗ҆зы̑къ и҆скꙋпѝ. Сла́вꙋ дв҃ства и҆мꙋ́щи, ѡ҆блекла́сѧ є҆сѝ бл҃года́тїю дх҃а ст҃а́гѡ, пречⷭ҇таѧ мр҃і́е, ꙗ҆́вльшисѧ бцⷣа, но́вое та́инство и҆ сокрове́нное: ка́кѡ бо бг҃а пло́тїю ро́ждши дѣ́вствꙋеши; Дѣ́ло, є҆́же содѣ́лалъ є҆сѝ гдⷭ҇и, кто̀ ска́жетъ; ю҆́же бо проклѧ́тъ въ печа́лехъ роди́ти ча̑да, сн҃ъ показа́лсѧ є҆сѝ сеѧ̀, и҆ ра́дꙋетсѧ же́нское па́дшее є҆стество̀ ѡ҆ тебѣ̀ бз҃ѣ бцⷣы ра́ди. Сла́ва: Бꙋ́рѧ прегрѣше́нїй рѣши́тсѧ мі́рꙋ, тобо́ю пречⷭ҇таѧ мр҃і́е бцⷣе є҆ди́на. тѣ́мъ тѧ̀, ꙗ҆́кѡ приста́нище сп҃се́нїѧ и҆мꙋ́ще, восхвалѧ́емъ вѣ́рнїи, пою́ще вели̑чїѧ твоѧ̑. И҆ ны́нѣ: Воспѣ́тъ дв҃ствꙋ прⷪ҇ро́ки дре́вле, роди́ти тѧ̀ безлѣ́тнаго въ лѣ̑та, и҆ па́че сло́ва сло́во, є҆ди́наго ѿ трⷪ҇цы хрⷭ҇та̀ бг҃а на́шего: є҆го́же цр҃ковь мт҃и чⷭ҇таѧ, почита́етъ ѡ҆́бразы. Пѣ́снь д҃ І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ, сла́ва си́лѣ твое́й гдⷭ҇и. Седмосвѣ́тлое зерца́ло бж҃е́ственныхъ прⷪ҇рѡ́къ многоѡбра́знѡ пое́тъ ѡ҆бразова̑нїѧ твоѧ̑: мы́ же дѣ́ломъ зна́мєнїѧ и҆схо́да твоегѡ̀ воспрїе́мше, бцⷣꙋ тѧ̀ вои́стиннꙋ, вещьмѝ ви́дѧщи вѣ́рꙋемъ. Бж҃їю тѧ̀ досто́йнѡ мт҃рь, вои́стиннꙋ дв҃о чи́стаѧ, чтꙋ́ще сла́вимъ мы̀, сво́йственный приносѧ́ще гла́съ тебѣ̀, въ зако́нѣ и҆ прⷪ҇ро́цѣхъ проповѣ́даннѣй: ра́дꙋйсѧ ѡ҆бра́дованнаѧ, гдⷭ҇ь съ тобо́ю. (с. 81) Сла́ва: Сѐ бж҃е́ственнаѧ гора̀, ю҆́же ви́дѣ а҆ввакꙋ́мъ, добродѣ́телей сѣ́нь сꙋ́щи ꙗ҆́вѣ, бцⷣа просїѧ̀ въ мі́рѣ, є҆́юже дре́вле ѿстꙋ́пльшїи престꙋпле́нїемъ, а҆́бїе бг҃ꙋ прибли́жихомсѧ. И҆ ны́нѣ: Бл҃же́нъ ѧ҆зы́къ, препѣ́таѧ чи́стаѧ, и҆́же честѝ сподо́бисѧ ржⷭ҇тво̀ твоѐ вѣ́рнѡ, правосла́вїемъ и҆ ᲂу҆че́нїемъ и҆ дѣ́лы, и҆́стиннѣ ꙗ҆влѧ́ѧ всѧ̑ ѡ҆́бразы воплоще́нїѧ сн҃а твоегѡ̀. Пѣ́снь є҃ І҆рмо́съ: Ѿ но́щи ᲂу҆́тренююще, воспѣва́емъ тѧ̀ хрⷭ҇тѐ бж҃е, ѡ҆бнища́вшаго на́съ ра́ди, и҆ крⷭ҇тъ, и҆ сме́рть пло́тїю претерпѣ́вшаго. Сокрове́ннѡ та́йнѣ ꙗ҆влѧ́ше тѧ̀ кꙋпинꙋ̀ мѡѷсе́й, неѡпали́мꙋю бцⷣе влⷣчце: веще́ствєннаѧ бо твоѧ̑ ложесна̀ не ѡ҆пали́шасѧ бж҃ество́мъ. Словесѐ бж҃їѧ тѧ̀ мт҃рь воспѣва́юще, бцⷣе чи́стаѧ, слове́сное прино́симъ цвѣтꙋ́щее дарова́нїе тебѣ̀, ѡ҆ не́мже ра́доватисѧ вѣ́рꙋемъ. Сла́ва: Ѿ скве́рныхъ ᲂу҆сте́нъ не ѿвратѝ похвале́нїѧ, бцⷣе пречⷭ҇таѧ: нѣ́сть бо на землѝ, и҆́же тѧ̀ по достоѧ́нїю воспѣ́ти дерза́етъ. И҆ ны́нѣ: Є҆ди́нъ є҆́сть во двою̀ сꙋщєствꙋ̀, и҆́же ѿ дв҃ы рожде́йсѧ, ꙗ҆́кѡ бг҃ъ неви́димый, и҆ ꙗ҆́кѡ чл҃вѣ́къ, во́лею на́съ ра́ди ᲂу҆подо́бивыйсѧ человѣ́кѡмъ. Пѣ́снь ѕ҃ І҆рмо́съ: Прⷪ҇ро́ка і҆ѡ́нꙋ подража́ѧ вопїю̀: живо́тъ мо́й бл҃же свободѝ и҆з̾ тлѝ, и҆ сп҃си́ мѧ сп҃се мі́ра, зовꙋ́ща: сла́ва тебѣ̀. Мы́сленный тѧ̀ свѣ́щникъ дв҃о, и҆ седмосїѧ́нный зри́тъ прⷪ҇ро́къ, показꙋ́ѧ ꙗ҆́вѣ дх҃а дѣ̑йствїѧ, блеща́щасѧ въ тебѣ̀. Дре́во ты̀ ꙗ҆ви́ласѧ є҆сѝ дв҃о живоно́сное вои́стиннꙋ, плодо́мъ твои́мъ льсти́ваго ѕмі́ѧ ᲂу҆мори́вшее, человѣ́кѡмъ же живо́тъ ро́ждши хрⷭ҇та̀ бг҃а. (с. 82) Сла́ва: Не красна̀ похвала̀ ѿ скве́рныхъ ᲂу҆сте́нъ тебѣ̀ прино́ситсѧ, мт҃и бг҃а на́шегѡ чи́стаѧ: но ви́ждь дꙋшѝ моеѧ̀ жела́нїе, и҆ сїѐ прїимѝ. И҆ ны́нѣ: Шата́ютсѧ беззако́ннїи въ молвѣ̀ го́рькагѡ невѣ́рїѧ: є҆гда̀ то́кмѡ ви́дѧтъ правосла́вныхъ собо́ры, лобыза́ющихъ тво́й дв҃о ѡ҆́бразъ. Гдⷭ҇и поми́лꙋй, три́жды. Сла́ва, и҆ ны́нѣ: Сѣда́ленъ, гла́съ а҃. Подо́бенъ: Гро́бъ тво́й: Ѡ҆кормѝ чи́стаѧ, ѻ҆каѧ́ннꙋю мою̀ жи́знь, и҆ ᲂу҆ще́дри всенепоро́чнаѧ, дꙋ́шꙋ, попо́лзшꙋюсѧ мно́гими прегрѣше́нїи во глꙋбинꙋ̀ поги́бели, и҆ въ ча́съ мѧ̀ сме́ртный свободѝ клеве́щꙋщихъ бѣсѡ́въ, и҆ стра́шнагѡ ѿвѣ́та. Пѣ́снь з҃ І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ благословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ. Преꙋкраше́нна ꙗ҆ви́сѧ добродѣ́тельми бг҃оневѣ́сто, сла́вою и҆ че́стїю дв҃ства: краснѣ́йша бо бл҃голѣ́пїемъ добро́та твоѧ̀ вои́стиннꙋ, рачи́тель гдⷭ҇ь тебѐ приведѐ мт҃рь бж҃е́ственнꙋю себѣ̀. Же́злъ чⷭ҇таѧ, пра́вости ꙗ҆́вѣ была̀ є҆сѝ, же́злъ црⷭ҇твїѧ пречⷭ҇тнѣ́йшїй. тѣ́мже пло́дъ бж҃їѧ словесѐ прозѧбла̀ є҆сѝ, є҆́же и҆ чꙋ́до и҆здале́ча а҆арѡ́новъ ꙗ҆́вѣ же́злъ проѡбразѝ. Сла́ва: Тѣле́сными страстьмѝ мно́гими ѡ҆скверни́въ тѣ́ло же и҆ сло́во и҆ дꙋ́шꙋ, ка́кѡ твою̀ чⷭ҇таѧ, добродѣ́телей воспою̀ красотꙋ̀; недоꙋмѣ́ю и҆ ᲂу҆страша́юсѧ: но сама̀ мнѣ̀ бꙋ́ди твои́ми мл҃твами по́мощь. И҆ ны́нѣ: Твоегѡ̀ хрⷭ҇тѐ воплоще́нїѧ чтꙋ̀ соедине́нїе, и҆ сегѡ̀ ѡ҆́бразꙋ покланѧ́юсѧ бг҃олѣ́пнѡ, ꙗ҆́кѡ бг҃ъ сы́й предвѣ́чный, ѿ дв҃ы бы́сть человѣ́къ непремѣ́ненъ, са́мъ во ѻ҆бою̀ соверше́нъ. (с. 83) Пѣ́снь и҃ І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки. Бж҃е́ственное сщ҃е́нїе, да воспое́тсѧ бж҃їе, и҆́мже и҆зба́висѧ мі́ръ ѿ тлѝ. воста́ните всѝ па́дшїи и҆ногда̀: мр҃і́а бо родѝ хрⷭ҇та̀ сп҃се́нїе. Пое́мъ тѧ̀ пречⷭ҇таѧ, и҆ мт҃и бж҃їѧ: и҆ кто̀ не сла́витъ тѧ̀ вои́стиннꙋ бл҃гꙋ́ю, сꙋ́щꙋю наде́ждꙋ дꙋ́шъ на́шихъ; тѣ́мже прест҃а́ѧ, мольбꙋ̀ мою̀ прїимѝ. Сла́ва: Оу҆ѧсни́тесѧ дне́сь пѣ́сньми вѣ́рнїи: просла́вите а҆́гг҃ли, и҆ человѣ́цы вкꙋ́пѣ, ꙗ҆́кѡ дїа́волъ па́даетъ и҆ ѿча́ѧнїе: мр҃і́а бо родѝ на́мъ наде́ждꙋ сп҃се́нїѧ. И҆ ны́нѣ: Не ѡ҆писꙋ́йте бж҃ества̀, не лжи́те слѣпі́и: про́стѣ бо неви́димо и҆ незри́тельно є҆́сть: пло́ти же ѡ҆́бразъ воѡбразꙋ́ѧ, покланѧ́юсѧ, и҆ вѣ́рою сла́влю ро́ждшꙋю гдⷭ҇а дв҃ꙋ. Пѣ́снь ѳ҃ І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ человѣ́къ, безнача́льный, велича́емъ всѝ ꙗ҆́кѡ мт҃рь бг҃а на́шегѡ чи́стꙋю. Ра́дꙋйсѧ мр҃і́е, вели́кое всеѧ̀ тва́ри чꙋ́до. ра́дꙋйсѧ дщѝ ᲂу҆́бѡ дв҃дова, гдⷭ҇нѧ же мт҃и. ра́дꙋйсѧ пѣ́нїе гаврїи́лово. ра́дꙋйсѧ прибѣ́жище и҆ ᲂу҆твержде́нїе, и҆ по́мощь всѣ̑мъ прест҃а́ѧ, сꙋ́щымъ на землѝ грѣ́шникѡмъ. Пое́тъ дх҃омъ бж҃е́ственнымъ, и҆ воспѣва́етъ бл҃года́рственнꙋю пѣ́снь, і҆ѡакі́мъ чꙋ́дный, и҆ бж҃е́ственнаѧ а҆́нна, ꙗ҆́кѡ ви́дѧше на землѝ мт҃рь созда́телѧ, ю҆́же роди́ша дще́рь мр҃і́ю: є҆ѧ́же мл҃твами всѣ́хъ сп҃сѝ на́съ ꙗ҆́кѡ бг҃ъ. (с. 84) Сла́ва: Ѽ прест҃а́ѧ дв҃о мт҃и бг҃а вы́шнѧгѡ! твоѐ ржⷭ҇тво̀ на землѝ сп҃се́нїе ꙗ҆ви́сѧ грѣ̑шнымъ и҆ смирє́ннымъ: ѡ҆ тебѣ́ бо спасо́хомсѧ вѣ́ровавше, но сп҃са́еши мѧ̀ и҆ ны́нѣ, и҆ во всѧ̑ вѣ́ки жи́знєнныѧ. И҆ ны́нѣ: Воплоще́нна сло́ва, но непрело́жна вѣ́мъ. тѣ́мже воспѣва́ю є҆го̀ вѣ́рнѡ, во двою̀ ᲂу҆́бѡ сꙋщєствꙋ̀, ѵ҆поста́си же є҆ди́нѣй: є҆го́же вои́стиннꙋ ꙗ҆́кѡ бг҃а и҆ чл҃вѣ́ка проповѣ́даѧ, пѣ́снь соверша́ю. Та́же, Досто́йно є҆́сть: И҆ покло́нъ. Трист҃о́е. и҆ про́чее ѻ҆бы́чно: и҆ ѿпꙋ́стъ. Во вто́рникъ ᲂу҆́тра по є҆ѯаѱалмѣ́хъ, на Бг҃ъ гдⷭ҇ь, тропа́рь ст҃о́мꙋ, а҆́ще и҆́мать. Сла́ва, и҆ ны́нѣ, бг҃оро́диченъ, по гла́сꙋ тропарѧ̀. А҆́ще ли нѝ, глаго́лемъ тропа́рь днѐ. Сла́ва, и҆ ны́нѣ, бг҃оро́диченъ є҆гѡ̀. По а҃-мъ стїхосло́вїи сѣда́льны покаѧ́нны. Гла́съ а҃: Въ беззако́нїихъ зача́тъ є҆́смь а҆́зъ блꙋ́дный, не смѣ́ю взира́ти на высотꙋ̀ нбⷭ҇нꙋю. но надѣ́ѧсѧ на человѣколю́бїе твоѐ зовꙋ̀: бж҃е, ѡ҆чи́сти мѧ̀ грѣ́шнаго, и҆ сп҃си́ мѧ. Сті́хъ: Гдⷭ҇и да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. А҆́ще пра́ведникъ є҆два̀ сп҃са́етсѧ, а҆́зъ же грѣ́шный гдѣ̀ ꙗ҆влю́сѧ, тѧготы̀ и҆ ва́ра дневна́гѡ не поне́сшїй; но съ нае́мники є҆динонадесѧ́тагѡ часа̀ сопричти́ мѧ бж҃е, и҆ сп҃си́ мѧ. Сла́ва, и҆ ны́нѣ, бг҃оро́диченъ: Без̾ мт҃ре на нб҃сѝ, па́че смы́сла и҆ слы́шанїѧ, на землѝ без̾ ѻ҆ц҃а̀ родила̀ є҆сѝ. того̀ бцⷣе молѝ, сп҃сти́сѧ дꙋша́мъ на́шымъ. По в҃-мъ стїхосло́вїи, сѣда́ленъ. Гла́съ а҃: Ѡ҆б̾ѧ́тїѧ ѻ҆́ч҃а ѿве́рсти мѝ потщи́сѧ, блꙋ́днѡ моѐ и҆жди́хъ житїѐ, на бога́тство неиждива́емое взира́ѧ (с. 85) щедро́тъ твои́хъ сп҃се. ны́нѣ ѡ҆бнища́вшее моѐ да не пре́зриши се́рдце, тебѣ́ бо гдⷭ҇и, ᲂу҆миле́нїемъ зовꙋ̀: согрѣши́хъ, ѻ҆́ч҃е, на нб҃о и҆ пред̾ тобо́ю, сп҃си́ мѧ. Сті́хъ: Гдⷭ҇и, да не ꙗ҆́ростїю твое́ю ѡ҆бличи́ши менѐ, нижѐ гнѣ́вомъ твои́мъ нака́жеши менѐ. Бога́тство і҆́ѡвлево зрѧ̀ добродѣ́телей, подкопа́ти и҆ ᲂу҆кра́сти ко́зньствоваше, и҆́же пра́ведныхъ вра́гъ, и҆ разорѝ сто́лпъ тѣле́сный, сокро́вища же не ᲂу҆кра́де дх҃о́внагѡ, ѡ҆брѣ́те бо воѡрꙋже́нꙋ непоро́чнагѡ дꙋ́шꙋ: мене́ же и҆ ѡ҆бнажи́въ плѣнѝ. предвари́въ ᲂу҆́бѡ пре́жде конца̀, и҆зба́ви мѧ̀ ѿ льсти́вагѡ сп҃се, и҆ сп҃си́ мѧ. Сті́хъ: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. Ꙗ҆́кѡ до́брїи во́ини, є҆диномꙋ́дреннѡ вѣ́ровавше, преще́нїѧ мꙋчи́телей не ᲂу҆боѧ́стесѧ ст҃і́и. прїидо́сте ᲂу҆се́рднѡ ко хрⷭ҇тꙋ̀ взе́мше чⷭ҇тны́й крⷭ҇тъ, и҆ сконча́вше тече́нїе, съ нб҃сѐ побѣ́дꙋ прїѧ́сте. сла́ва ᲂу҆крѣ́пльшемꙋ ва́съ: сла́ва вѣнча́вшемꙋ вы̀: сла́ва дѣ́йствꙋющемꙋ ва́ми всѣ̑мъ и҆сцѣлє́нїѧ. Сла́ва, и҆ ны́нѣ, бг҃оро́диченъ: Ѿча́ѧнїе нїнеѵі́тское предвари́лъ є҆сѝ, возвѣще́нное запреще́нїе мимоводѧ̀, и҆ гнѣ́въ побѣдѝ млⷭ҇ть твоѧ̀ гдⷭ҇и, ᲂу҆милосе́рдисѧ ны́нѣ на лю́ди и҆ ста́до твоѐ: дла́нїю держа́вною врагѝ на́шѧ низложѝ, мл҃твами бцⷣы да́рꙋй на́мъ млⷭ҇ть твою̀. По г҃-мъ стїхосло́вїи, сѣда́льны, гла́съ а҃. Подо́бенъ: Гро́бъ тво́й: Въ разбо́йники впадо́хъ помышле́ньми, и҆ ѡ҆крадо́хсѧ ᲂу҆мо́мъ, и҆ ᲂу҆ѧзви́ша мою̀ дꙋ́шꙋ грѣхмѝ, и҆ лежꙋ̀ неисцѣ́ленъ, і҆и҃се многомлⷭ҇тиве: но возле́й предте́чи мл҃твами твою̀ млⷭ҇ть, и҆ лю̑тыѧ ꙗ҆́звы дꙋшѝ моеѧ̀ и҆сцѣлѝ. И҆́же дре́вле стрꙋѧ́ми і҆ѻрда́нскими крⷭ҇ти́вый, і҆ѡа́нне, ѡ҆чище́нїе всегѡ̀ мі́ра, мно́гими мѧ̀ погрꙋжа́ема прегрѣше́ньми востѧгнѝ и҆ ѡ҆мы́й ѿ всѧ́кїѧ скве́рны, чл҃вѣколю́бца всегда̀ молѧ̀, ꙗ҆́кѡ хода́тай бл҃гопрїѧ́тенъ. (с. 86) Сла́ва, и҆ ны́нѣ, бг҃оро́диченъ: Безневѣ́стнаѧ чⷭ҇таѧ бцⷣе дв҃о, є҆ди́на вѣ̑рнымъ предста́тельнице и҆ покро́ве: бѣ́дъ и҆ скорбе́й и҆ лю́тыхъ ѡ҆бстоѧ́нїй всѣ́хъ и҆зба́ви, на тѧ̀ ᲂу҆пова́нїе ѻ҆трокови́це и҆мꙋ́щихъ: и҆ дꙋ́шы на́шѧ сп҃сѝ бж҃е́ственными мл҃твами твои́ми. Канѡ́нъ покаѧ́ненъ, є҆гѡ́же краегране́сїе си́це: Прїимѝ хрⷭ҇тѐ моле́нїе мои́хъ слове́съ: Творе́нїе і҆ѡ́сифово, Гла́съ а҃. Пѣ́снь а҃ І҆рмо́съ: Пѣ́снь побѣ́днꙋю пои́мъ всѝ бг҃ꙋ: сотво́ршемꙋ ди̑внаѧ чꙋдеса̀ мы́шцею высо́кою, и҆ сп҃сшемꙋ і҆и҃лѧ, ꙗ҆́кѡ просла́висѧ. Порабоща́емь страстьмѝ грѣха̀, припа́даю тѝ гдⷭ҇и, ꙗ҆́кѡ да ꙗ҆ви́ши мѧ̀ ѿ си́хъ свобо́дна, сла́вѧща прилѣ́жнѡ твою̀ бл҃госты́ню. Оу҆ѧзви́хсѧ ѻ҆каѧ́нный грѣхо́внымъ копїе́мъ, и҆ ᲂу҆мро́хъ, и҆ зрѧ́ мѧ лежа́ща вра́гъ весели́тсѧ: и҆́же воскреша́ѧй мє́ртвыѧ, ѡ҆живи́въ сп҃си́ мѧ. Мч҃нченъ: Ли́цы просла́вишасѧ страда́льцєвъ, чⷭ҇тны́ми ᲂу҆́ды свои́ми хрⷭ҇та̀ просла́вльше, пло́ть поноси́вша, и҆ стрⷭ҇те́й ра́ди тлѣ́нїе потре́бльшаго. Мч҃нченъ: Столпы̀ и҆ забра̑ла благоче́стїѧ сла́внїи мꙋ́чєницы, прило́гми вра́жїими непрекло́нни пребы́ша. тѣ́хъ мл҃твами бж҃е, ᲂу҆ще́дри всѣ́хъ на́съ. Бг҃оро́диченъ: Ꙗ҆́кѡ престо́лъ ѻ҆гнезра́чный, дв҃о но́сиши зижди́телѧ, ꙗ҆́кѡ ѡ҆дꙋшевле́нъ черто́гъ и҆ кра́снаѧ пала́та цр҃ѧ̀ вмѣща́еши, бы́вша є҆́же є҆смы̀, кромѣ̀ и҆змѣне́нїѧ и҆ смѣше́нїѧ. И҆́нъ канѡ́нъ ст҃о́мꙋ вели́комꙋ прⷪ҇ро́кꙋ і҆ѡа́ннꙋ предте́чи, є҆гѡ́же краегране́сїе: Гла́съ ᲂу҆слы́ши вопїю́щихъ тѝ бл҃же́нне. Гла́съ а҃. І҆рмо́съ то́йже Гла́съ бы́лъ є҆сѝ сло́ва бл҃же́нне, тѣ́мже гла́сы на́шѧ, ꙗ҆̀же тебѣ̀ твори́мъ, прїимѝ предте́че, свобожда́ѧ на́съ ѿ ѕлы́хъ хода́тайствомъ твои́мъ. (с. 87) Ꙗ҆́кѡ ᲂу҆́тро, ꙗ҆́кѡ со́лнце возсїѧ́въ, просвѣща́еши концы̀ и҆ помрача́еши дꙋ́хи лꙋка̑выѧ. тѣ́мже мра́къ ѿ дꙋ́шъ на́шихъ ѿженѝ. Мє́ртвымъ живо́тъ на́шъ приходѧ́щъ, проповѣ́далъ є҆сѝ предте́че. тѣ́мже ᲂу҆мерщвлѧ́ющыѧ мѧ̀ стра́сти ᲂу҆мертвѝ, и҆ покажѝ бл҃же́нне, бж҃е́ственныѧ свѣ́тлости прича́стника. Бг҃оро́диченъ: Є҆ди́на безлѣ́тнаго сн҃а въ лѣ́то ро́ждши, воплоща́ема, пречⷭ҇таѧ влⷣчце, вселѣ́тныѧ преѻкаѧ́нныѧ моеѧ̀ дꙋшѝ стра̑сти и҆сцѣлѝ. Пѣ́снь г҃ І҆рмо́съ: Ка́мень, є҆гѡ́же небрего́ша зи́ждꙋщїи, се́й бы́сть во главꙋ̀ ᲂу҆́гла: то́й є҆́сть ка́мень, на не́мже ᲂу҆твердѝ цр҃ковь хрⷭ҇то́съ, ю҆́же ѿ ꙗ҆зы̑къ и҆скꙋпѝ. Ви́ждь мою̀ не́мощь ѡ҆болкі́йсѧ въ ню̀, ви́ждь дꙋшѝ моеѧ̀ лю́тое без̾ѡбра́зїе, и҆ вонмѝ гла́сꙋ моемꙋ̀ хрⷭ҇тѐ многомлⷭ҇тиве, и҆ претворѝ сеѧ̀ нелѣ́потꙋ во бл҃гоѡбра́зїе сп҃се. Спасы́й і҆и҃се блꙋ́днаго, сп҃си́ мѧ є҆ди́наго твоѧ̑ сп҃си́тєльныѧ престꙋ́пльша зако́ны, и҆ всѧ́кїй грѣ́хъ безслове́снѡ сконча́вша, и҆ ѿведе́на помышле́ньми ѿ тебѐ бл҃же, чꙋ́жда мѧ̀ творѧ́щими. Мч҃нченъ: Чи́ни безпло́тныхъ, ст҃і́и, ва́шемꙋ мꙋ́жествꙋ вои́стиннꙋ ᲂу҆диви́шасѧ, ка́кѡ на сꙋди́щи стра́ждꙋще пресла́внѡ, и҆ па́дающе тѣ́ломъ, безплѡ́тныѧ всѧ̑ врагѝ бж҃е́ственною си́лою низверго́сте; Мч҃нченъ: Є҆щѐ ра́нъ кровьмѝ ѡ҆червле́ни, є҆щѐ крове́й ка́плѧми стрⷭ҇тоно́сцы ѡ҆блива́еми, гдⷭ҇еви предста́сте ра́дꙋющесѧ, безсме́ртномꙋ цр҃ю̀, ꙗ҆́кѡ побѣдоно́сцы вѣнчава́еми. Бг҃оро́диченъ: Родила̀ є҆сѝ, є҆го́же ѻ҆ц҃ъ родѝ пре́жде всѣ́хъ вѣ̑къ. пита́ла є҆сѝ пита́телѧ, и҆скꙋ́са мꙋ́жеска не свѣ́дꙋщи. (с. 88) пресла́внѡ чꙋ́до, но́вое та́инство бг҃облагода́тнаѧ: тѣ́мже всѧ́ка дꙋша̀ вѣ́рныхъ сла́витъ тѧ̀. И҆́нъ І҆рмо́съ то́йже Ѿ непло́дове и҆ неражда́ющїѧ предте́че сщ҃е́ннѡ прозѧбы́й, ꙗ҆ви́лсѧ є҆сѝ плодоно́сенъ дѣ́ланїй бж҃е́ственныхъ. тѣ́мже се́рдце моѐ всѧ́чески непло́дствꙋющее, благопло́дно сотворѝ дѡ́брымъ: ꙗ҆́кѡ да вѣ́рнѡ всегда̀ прославлѧ́ю тѧ̀. Хлѣ́бомъ нбⷭ҇нымъ ᲂу҆твердѝ моѐ се́рдце бл҃же́нне, разсла́бленное лꙋка́выми мы́сльми, и҆ да́ждь мѝ ᲂу҆се́рднѡ твори́ти хотѣ́нїѧ всеще́драгѡ бг҃а: ꙗ҆́кѡ да вѣ́рнѡ присносла́влю тѧ̀. Мі́ра грѣхѝ взе́млющаго а҆́гнца проповѣ́далъ є҆сѝ блаже́нне прⷪ҇ро́че: грѣхѡ́въ мои́хъ тѧ́жкое бре́мѧ ѡ҆блегчѝ, молю́сѧ, ᲂу҆миле́нїе мѝ подаѧ̀, сквє́рны страсте́й ѡ҆чища́ющее. Бг҃оро́диченъ: Въ всего̀ а҆да́ма ѡ҆блече́сѧ и҆з̾ тебѐ бцⷣе, всеплотоно́сно произше́дшее сло́во: того̀ ᲂу҆́бѡ молѝ бцⷣе, и҆зба́вити на́съ ѿ напа́стей всѧ́ческихъ, и҆ ѻ҆гнѧ̀ вѣ́чнꙋющагѡ. Пѣ́снь д҃ І҆рмо́съ: Дх҃омъ прови́дѧ прⷪ҇ро́че а҆ввакꙋ́ме, словесѐ воплоще́нїе, проповѣ́далъ є҆сѝ вопїѧ̀: внегда̀ прибли́житисѧ лѣ́тѡмъ, позна́ешисѧ, внегда̀ прїитѝ вре́мени, пока́жешисѧ: сла́ва си́лѣ твое́й гдⷭ҇и. Є҆́же мѝ да́лъ є҆сѝ хрⷭ҇тѐ бога́тство, расточи́хъ ѕлѣ̀ скончава́ѧ безмѣ̑стнаѧ, и҆ бы́хъ на́гъ, ѡ҆блече́нъ въ дѣла̀ безче́стїѧ. тѣ́мже вопїю́ ти: ѻ҆де́ждею мѧ̀ ᲂу҆красѝ пе́рвою, бж҃е́ственною мѧ̀ ᲂу҆милѧ́ѧ бл҃года́тїю. Низведо́хсѧ безꙋ́мїемъ, и҆ падо́хсѧ лю́тѣ, и҆ на землѝ лежꙋ̀ неисцѣ́льнѡ болѧ́й, воздви́гни мѧ̀ па́дшихъ воста́нїе, и҆ на ка́мени сп҃си́тельнагѡ покаѧ́нїѧ ᲂу҆твердѝ хрⷭ҇тѐ, се́рдце моѐ. (с. 89) Мч҃нченъ: На крⷭ҇тъ вознесе́нномꙋ хрⷭ҇тꙋ̀ подо́бѧщесѧ, прїе́млюще ра̑ны веселѧ́хꙋсѧ вкꙋ́пѣ стрⷭ҇тоте́рпцы, и҆ кро́вными тꙋ́чами многобо́жїѧ ᲂу҆ста́виша тꙋ́чы, стрꙋи̑ и҆сцѣле́нїй и҆сточа́юще. Мч҃нченъ: Преплы́вше немо́креннѡ мꙋ́къ ѕѣ́льство, и҆ го́рькое волне́нїе, бж҃е́ственнїи страда́льцы, ѡ҆кормле́нїемъ сп҃се́нїѧ наде́жды, и҆ къ вы́шнемꙋ ᲂу҆стреми́шасѧ приста́нищꙋ, всѧ́кагѡ весе́лїѧ и҆сполнѧ́еми. Бг҃оро́диченъ: Оу҆диви́шасѧ зрѧ́ще тѧ̀ а҆́гг҃льскаѧ вѡ́инства, ка́кѡ неви́димый зра́комъ, по на́мъ и҆з̾ тебѐ ви́димь бы́сть, дв҃о бг҃ороди́тельнице: є҆го́же молѝ сп҃се́нїѧ сподо́бити всѣ́хъ, вѣ́рою тѧ̀ сла́вѧщихъ. И҆́нъ І҆рмо́съ то́йже И҆стка́въ сп҃се́нїѧ ри́зꙋ себѣ̀, во ѡ҆бнаже́нїи тѣле́снѣмъ гдⷭ҇ень крⷭ҇ти́телю, ѡ҆бнаже́ннаго ѿ всѧ́каго бл҃готворе́нїѧ, ѡ҆блецы́ мѧ, молю́сѧ, пра́вды и҆ весе́лїѧ ѻ҆де́ждею. Ка́плю сп҃се́нїѧ ѡ҆дождѝ мнѣ̀ предте́че, и҆стаѧва́емꙋ разждиза́нїемъ по́хотей, погрꙋзи́вый во стрꙋѧ́хъ і҆ѻрда́нскихъ сла́дости пото́ка, і҆и҃са жизнода́вца: ꙗ҆́кѡ да по до́лгꙋ тѧ̀ сла́влю. Ни а҆́гг҃лъ, ни хода́тай сп҃сѐ на́съ, но са́мъ гдⷭ҇ь прише́дый на зе́млю: є҆мꙋ́же пра̑выѧ пꙋти̑ ᲂу҆гото́валъ є҆сѝ бл҃же́нне. є҆го́же ны́нѣ молѝ, показа́ти мѝ стезю̀, къ црⷭ҇твїю наставлѧ́ющꙋю. Бг҃оро́диченъ: Хра́мъ ѡ҆сщ҃е́нъ ꙗ҆ви́ласѧ є҆сѝ бж҃їй, въ тѧ̀ все́льшагѡсѧ дв҃о па́че ᲂу҆ма̀: того̀ молѝ грѣхо́вныхъ скве́рнъ на́съ ѡ҆чи́стити, ꙗ҆́кѡ да хра́мъ ꙗ҆ви́мсѧ и҆ вселе́нїе бж҃е́ственнагѡ дх҃а. Пѣ́снь є҃ І҆рмо́съ: Тво́й ми́ръ да́ждь на́мъ сн҃е бж҃їй, и҆но́гѡ бо ра́звѣ тебѐ бг҃а не зна́емъ, и҆́мѧ твоѐ и҆менꙋ́емъ, ꙗ҆́кѡ бг҃ъ живы́хъ и҆ ме́ртвыхъ є҆сѝ. (с. 90) И҆спо́лнихсѧ грѣхопаде́нїй мно́гихъ и҆ лю́тыхъ, влⷣко ще́дрый и҆ долготерпѣли́вый: ᲂу҆ще́дри мѧ̀ ѡ҆сꙋжде́ннаго, и҆ не ѿве́ржи менѐ ѿ лица̀ твоегѡ̀. Мытарѧ̀ ѡ҆правда́лъ є҆сѝ хрⷭ҇тѐ воздохнꙋ́вша, томꙋ̀ ᲂу҆́бѡ и҆ а҆́зъ подо́бѧсѧ, бїю̀ въ пє́рси, и҆ зовꙋ́ ти: ѡ҆чи́сти мѧ̀ є҆ди́не бл҃гоꙋтро́бне и҆ ще́дрый. Мч҃нченъ: Ст҃і́и твоѝ гдⷭ҇и, свѣти̑ла непрелє́стнаѧ ꙗ҆ви́шасѧ, пре́лести ѿгонѧ́юще но́щь глꙋбо́кꙋю, и҆ просвѣща́юще вселе́ннꙋю всю̀ чꙋде́сными свѣтлостьмѝ. Мч҃нченъ: Ꙗ҆́кѡ пречⷭ҇тно́е ка́менїе, тебѐ ка́мене живо́тнаго, влⷣко, возлю́бльше мꙋ́чєницы мꙋ́ками валѧ́еми, зда́нїе всѧ́ко низверго́ша пре́лести. Бг҃оро́диченъ: Во двою̀ во́лѧхъ є҆ди́наго ѿ прест҃ы́ѧ трⷪ҇цы родила̀ є҆сѝ всенепоро́чнаѧ, носѧ́щаго є҆ди́нꙋ ѵ҆поста́сь: є҆го́же прилѣ́жнѡ молѝ всѣ̑мъ сп҃сти́сѧ на́мъ. И҆́нъ І҆рмо́съ то́йже Въ пꙋсты́ню всели́всѧ предте́че хрⷭ҇то́въ, ꙗ҆́коже дре́вле и҆лїа̀: тѣ́мже се́рдце моѐ ѡ҆пꙋстѣ́вшее прегрѣше́ньми, прилѣжа́нїемъ бж҃е́ственнымъ ᲂу҆твердѝ всебл҃же́нне. Ꙗ҆́кѡ сто́лпъ непрело́женъ, и҆ забра́ло вѣ́рныхъ бы́въ, вели́кїй хрⷭ҇то́въ предте́че, помышле́нїе моѐ коле́блемо козньмѝ льсти́вагѡ непрело́жно покажѝ. Мє́ртвымъ бл҃говѣсти́сѧ свѣ́тъ, и҆́же ѿ свѣ́та возсїѧ́вый на землѝ, гла́сомъ твои́мъ бл҃же́нне, и҆ сꙋ́щїи во тьмѣ̀ просвѣти́хомсѧ: тѣ́мже просвѣти́ мѧ лю́тѣ ѡ҆мраче́ннаго. Бг҃оро́диченъ: Цр҃и́цꙋ дв҃ꙋ тѧ̀ проповѣ́даетъ дв҃дъ пречи́стаѧ чи́стꙋю: тѣ́мже молю́ тѧ, нбⷭ҇нагѡ мѧ̀ црⷭ҇твїѧ сотворѝ наслѣ́дника, да ᲂу҆бл҃жа́ю тѧ̀. Пѣ́снь ѕ҃ І҆рмо́съ: Прⷪ҇ро́ка і҆ѡ́нꙋ подража́ѧ, вопїю̀: живо́тъ мо́й бл҃же свободѝ и҆з̾ тлѝ: и҆ сп҃си́ мѧ сп҃се мі́ра, зовꙋ́ща: сла́ва тебѣ̀. (с. 91) Сокрꙋши́шасѧ кѡ́сти ѻ҆каѧ́нныѧ моеѧ̀ дꙋшѝ, и҆ тѧгото́ю слѧко́хсѧ мно́гихъ сласте́й: но помози́ ми хрⷭ҇тѐ, є҆ди́не всѣ̑мъ помога́нїе. Въ пꙋчи́нꙋ лю́тыхъ, и҆ бꙋ́рю страсте́й впадо́хсѧ, вопїю́ ти всеси́льне хрⷭ҇тѐ: возведи́ мѧ крѣ́пкою твое́ю рꙋко́ю, и҆ сп҃си́ мѧ. Мч҃нченъ: Тьма́ми и҆збра́нныхъ, мно́жество ст҃ы́хъ стрⷭ҇тоте́рпєцъ, тьмы̑ мы́сленныхъ попра́ша врагѡ́въ, и҆ совокꙋпи́шасѧ тьма́мъ нбⷭ҇ныхъ ᲂу҆мѡ́въ. Мч҃нченъ: И҆зсꙋши́вше глꙋбинꙋ̀ безбо́жїѧ страда́льцы, пото́къ сла́достный наслѣ́довасте. тѣ́мже и҆зсꙋши́те разлїѧ̑нїѧ грѣха̀ моегѡ̀. Бг҃оро́диченъ: Свѧще́нїѧ сѣ́нь ꙗ҆вле́ннаѧ мр҃і́е, є҆ди́нꙋ ѡ҆скверне́ннꙋю сластьмѝ ѻ҆каѧ́ннꙋю мою̀ дꙋ́шꙋ ѡ҆ст҃ѝ, и҆ бж҃е́ственнѣй сла́вѣ прича́стника мѧ̀ сотворѝ. И҆́нъ І҆рмо́съ то́йже И҆́же покаѧ́нїе на землѝ проповѣ́давый крⷭ҇ти́телю, покаѧ́нїѧ мѝ пꙋти̑ наставлѧ́ющыѧ мѧ̀ къ свѣ́тꙋ покажѝ, и҆ ѿ про́пасти пре́лести и҆зба́ви. Ꙗ҆́кѡ бе́зднꙋ во стрꙋѧ́хъ рѣ́чныхъ погрꙋзи́въ, бе́зднꙋ и҆зсꙋшѝ мои́хъ страсте́й, подаѧ́ ми сле́зъ и҆сто́чникъ, предте́че проповѣ́дниче хрⷭ҇то́въ. Ѿ недꙋ̑гъ дꙋше́вныхъ, и҆ страсте́й плотски́хъ, житїѧ̀ напа́стей, и҆ всѧ́кихъ и҆скꙋше́нїй и҆ скорбе́й сп҃си́ мѧ гдⷭ҇ень прⷣте́че. Бг҃оро́диченъ: Мт҃рь бж҃їю и҆ до́брꙋю въ жена́хъ, молю́ тѧ прилѣ́жнѡ, не пре́зри менѐ чⷭ҇таѧ, но ᲂу҆ще́дри, и҆ ѿ всѧ́кагѡ вре́да цѣ́ла соблюдѝ. Пѣ́снь з҃ І҆рмо́съ: Сꙋ́щымъ въ пещѝ ѻ҆трокѡ́мъ твои̑мъ сп҃се, не прикоснꙋ́сѧ, нижѐ стꙋжѝ ѻ҆́гнь. тогда̀ трїѐ, ꙗ҆́кѡ є҆ди́нѣми ᲂу҆сты̀ поѧ́хꙋ и҆ бл҃гословлѧ́хꙋ, глаго́люще: бл҃гослове́нъ бг҃ъ ѻ҆тє́цъ на́шихъ. (с. 92) Терпѣ́нїю и҆звы́че і҆́ѡвъ, и҆ пребы́сть всѣ́ми прило́ги лꙋка́вагѡ непреклони́мь, ꙗ҆́коже сто́лпъ до́блественный. семꙋ̀ ревнꙋ́й всегда̀ ѽ дꙋшѐ, и҆ ника́коже ᲂу҆ныва́й въ лю́тыхъ. Тѣле́сными побѣди́хсѧ сластьмѝ, и҆ бы́хъ безслове́сенъ, сы́й слове́сенъ: сло́ве бж҃їй, и҆́же сло́вомъ блꙋдни́цꙋ сп҃сы́й, сп҃си́ мѧ ѻ҆каѧ́ннаго, да пою̀ бл҃гословѧ̀ твою̀ бл҃госты́ню. Мч҃нченъ: И҆зба́влени мꙋ́чєницы мꙋ́дрїи кро́вїю, пло́тїю пострада́вшагѡ на́съ ра́ди, за него́же ᲂу҆се́рднѡ и҆зво́листе и҆злїѧ́ти своѧ̑ крѡ́ви: тѣ́мже непреста́ннѡ съ ни́мъ ца́рствꙋете. Мч҃нченъ: Назда́нїемъ страда́льчествъ сщ҃е́нныхъ пала́та ꙗ҆ви́стесѧ мꙋ́дрїи, въ не́йже ра́достнѡ хрⷭ҇то́съ почи́лъ є҆́сть, є҆ди́нъ цр҃ь и҆ гдⷭ҇ь, и҆́же ко ѻ҆би́телемъ нбⷭ҇нымъ приведы́й ва́съ. Бг҃оро́диченъ: Ѿ родѡ́въ тѧ̀ всѣ́хъ хрⷭ҇то́съ всепѣ́таѧ, є҆ди́нꙋ и҆зво́ли себѣ̀, ꙗ҆́кѡ чⷭ҇тнꙋ́ю и҆ чи́стꙋю въ жили́ще: и҆ и҆з̾ тебѐ ꙗ҆́кѡ со́лнце возсїѧ́въ, зе́млю всю̀ просвѣтѝ. И҆́нъ І҆рмо́съ то́йже Ꙗ҆́кѡ ве́тхомꙋ и҆ но́вомꙋ бы́въ преизѧ́щный сла́вный хода́тай крести́телю, хода́тайствꙋй, ѡ҆бетша́вшаго грѣхмѝ всего̀ ѡ҆бнови́ти мѧ̀, ѡ҆бнови́телѧ всѧ́ческихъ молѧ̀ і҆и҃са. Законополага́ѧ покаѧ́нїе на землѝ ꙗ҆ви́лсѧ є҆сѝ прⷣте́че хрⷭ҇то́въ и҆ крⷭ҇ти́телю, є҆го́же соверши́ти всѣ́хъ ᲂу҆крѣпѝ мл҃твами твои́ми, ꙗ҆́кѡ да и҆зба́вимсѧ ѿ безмѣ́рныхъ ѕѡ́лъ, ꙗ҆̀же согрѣша́емъ при́снѡ. Ты̀ тѣ́сный проше́лъ є҆сѝ пꙋ́ть, воздержа́нїе всѧ́ко проходѧ̀ мꙋ́дре, и҆ широто́ю бг҃овидѣ́нїй свѣ́тлыхъ ве́сь ѡ҆зари́всѧ: и҆́хже наслади́тисѧ и҆ на́мъ да́рꙋй, хрⷭ҇та̀ молѧ̀. Є҆ди́но є҆стество̀ трⷪ҇цꙋ вѣ́рнїи сла́вимъ, безнача́льнаго ѻ҆ц҃а̀, и҆ сн҃а, и҆ дх҃а а҆́бїе, є҆ди́но ца́рствꙋющее сꙋщество̀, є҆ди́но гдⷭ҇ьство, є҆ди́но нача́ло, и҆ живо́тъ животворѧ́щїй на́съ. (с. 93) Бг҃оро́диченъ: Мольбꙋ̀ пречи́стаѧ, бг҃ꙋ принесѝ, ꙗ҆́кѡ да пре́зритъ на̑ша прегрѣшє́нїѧ, и҆ безчи́слєнныѧ грѣхѝ, и҆ вѣ́чнагѡ свободи́тъ на́съ ѻ҆гнѧ̀ мꙋ́чащагѡ. Пѣ́снь и҃ І҆рмо́съ: Є҆гѡ́же ᲂу҆жаса́ютсѧ а҆́гг҃ли, и҆ всѧ̑ вѡ́инства, ꙗ҆́кѡ творца̀ и҆ гдⷭ҇а, по́йте сщ҃е́нницы, просла́вите ѻ҆́троцы, бл҃гослови́те лю́дїе, и҆ превозноси́те во всѧ̑ вѣ́ки. На́га мѧ̀ содѣ́ла всѧ́ческихъ добродѣ́телей ѕмі́й льсти́вый ѕлы́мъ совѣ́томъ: ри́зою добродѣ́телей ᲂу҆краси́ мѧ ны́нѣ, ѡ҆бнажи́вый сп҃се мо́й сегѡ̀ ѕло́бы. Хотѧ́й прїитѝ сꙋди́ти ро́дꙋ человѣ́ческомꙋ, сꙋдїѐ пра́ведный, въ ча́съ стра́шный, ѡ҆сꙋжде́на сꙋ́ща не послѝ менѐ во ѻ҆́гнь гее́нскїй, но ᲂу҆ще́дри и҆ сп҃си́ мѧ. Мч҃нченъ: Ва́съ всехва́льнїи гдⷭ҇ни страда́льцы, ни ско́рбь, ни бѣда̀, ни ме́чь, нижѐ ѻ҆́гнь возмо́же разлꙋчи́ти ѿню́дъ ѿ любвѐ хрⷭ҇то́вы, бл҃гоꙋтро́бїѧ ра́ди ва́съ возлюби́вшагѡ. Мч҃нченъ: Пло́тїю соплета́еми безпло́тномꙋ врагꙋ̀, того̀ низложи́сте до́блїи страда́льцы и҆ ны́нѣ со безпло́тными сликовствꙋ́ете, и҆сцѣлѧ́юще стра̑сти дꙋ́шъ же и҆ тѣле́съ. Бг҃оро́диченъ: Ꙗ҆́кѡ цвѣ́тъ во ᲂу҆до́лїихъ житїѧ̀ тѧ̀ ѡ҆брѣ́тъ, въ тѧ̀ всели́сѧ, и҆́же всѣ́хъ сади́тель, вонѧ́ми добродѣ́телей и҆ чистоты̀ ны́нѣ благоꙋха́ѧй на́съ, бг҃ороди́тельнице. И҆́нъ І҆рмо́съ то́йже Є҆ди́нъ па́че всѣ́хъ согрѣши́хъ на землѝ ро́ждшихсѧ, є҆ди́нъ бы́хъ престꙋ́пникъ твои́хъ зако́нѡвъ гдⷭ҇и: тѣ́мже прⷣте́чи ра́ди ᲂу҆ще́дри и҆ сп҃си́ мѧ. А҆́гг҃лъ нра́вы ꙗ҆ви́лсѧ є҆сѝ крести́телю і҆ѡа́нне, совѣ́та вели́кагѡ а҆́гг҃ла проповѣ́даѧй концє́мъ: тѣ́мже тѧ̀ пѣ́сньми сла́вимъ во всѧ̑ вѣ́ки. Во главꙋ̀ ᲂу҆сѣ́ченъ бы́лъ є҆сѝ без̾ пра́вды бл҃же́нне, погрꙋзи́вый главꙋ̀ хрⷭ҇то́вꙋ въ вода́хъ. ᲂу҆крѣпѝ всѣ́хъ на́съ (с. 94) мл҃твами твои́ми, главꙋ̀ попира́ти льсти́вагѡ вои́стиннꙋ гꙋби́тельнꙋю. Бг҃оро́диченъ: И҆зба́ви мѧ̀ безмѣ́стныхъ грѣхѡ́въ, и҆ пла́меннагѡ томле́нїѧ, и҆ тьмы̀ мꙋ́чащїѧ, скре́жета зꙋ́бнагѡ, и҆ че́рвїѧ, дв҃о, є҆ди́на предста́тельнице ро́дꙋ человѣ́ческомꙋ. Пѣ́снь ѳ҃ І҆рмо́съ: Свѣтоно́сный ѻ҆́блакъ, во́ньже всѣ́хъ влⷣка, ꙗ҆́кѡ до́ждь съ нб҃сѐ на рꙋно̀ сни́де, и҆ воплоти́сѧ на́съ ра́ди, бы́въ человѣ́къ, безнача́льный. велича́емъ всѝ ꙗ҆́кѡ мт҃рь бг҃а на́шегѡ чⷭ҇тꙋю. Сѐ вре́мѧ покаѧ́нїѧ и҆ чи́ста дѣ́ланїѧ, сѐ де́нь, свѣ̑тла содѣ́лай дѣла̀: бѣжѝ тьмы̀ страсте́й, ѿженѝ со́нъ ѕла́гѡ ᲂу҆ны́нїѧ дꙋшѐ моѧ̀, ꙗ҆́кѡ да бꙋ́деши бж҃е́ственнагѡ свѣ́та прича́стна. Ꙗ҆́кѡ мыта́рь воздыха́ю, ꙗ҆́кѡ блꙋдни́ца слезю̀, и҆ ꙗ҆́кѡ разбо́йникъ вопїю́ ти: помѧни́ мѧ ще́дре: и҆ ꙗ҆́кѡ блꙋ́дный сы́нъ взыва́ю: согрѣши́хъ, припа́даю тѝ ꙗ҆́кѡ ханане́а: млⷭ҇тиве, не пре́зри менѐ хрⷭ҇тѐ. Мч҃нченъ: Тѣлє́снымъ страсте́мъ, и҆ дꙋшє́внымъ сокрꙋше́нїємъ, ꙗ҆ви́стесѧ вои́стиннꙋ вра́чеве: преда́вше тѣлеса̀ къ ра́намъ терпѣли́внѡ, и҆ къ сме́рти нꙋ́жнѣй, прехва́льнїи страда́льцы гдⷭ҇ни: сегѡ̀ ра́ди ᲂу҆блажа́етесѧ при́снѡ. Мч҃нченъ: Со́лнечнагѡ сїѧ́нїѧ ѡ҆блиста̀ мно́жае терпѣ́нїе премꙋ́дрыхъ хрⷭ҇то́выхъ стрⷭ҇тоте́рпєцъ, тѣ́мже нача́льника тьмы̀ ꙗ҆́вѣ погꙋбѝ бл҃года́тїю, и҆ разрꙋшѝ безбо́жїѧ но́щь, и҆ сердца̀ просвѣтѝ вѣ́рныхъ. Бг҃оро́диченъ: Просвѣти́тельными сїѧ́ньми возсїѧ́вшагѡ сло́ва, ѿ ст҃а́гѡ твоегѡ̀ чре́ва бцⷣе дв҃о, и҆ ѡ҆зари́вшагѡ землѝ концы̀, просвѣтѝ дꙋ́шꙋ мою̀ сласте́й че́рностїю ѡ҆мраче́ннꙋю, и҆ лѣ́ностїю страсте́й, да вѣ́рою тѧ̀ воспѣва́ю. И҆́нъ І҆рмо́съ то́йже Сѐ свѣти́льникъ сїѧ́ѧ сꙋ́щымъ во тьмѣ̀ житїѧ̀, сѐ доброглаго́ливаѧ ла́стовица, ве́снꙋ всѣ̑мъ возвѣща́ющаѧ, (с. 95) хрⷭ҇то́въ вели́кїй прⷣте́ча, хода́тай ве́тхомꙋ и҆ но́вомꙋ: є҆гѡ́же мл҃твами да сохрани́мсѧ при́снѡ. Ꙗ҆́кѡ женихꙋ́ тѧ дрꙋ́га ны́нѣ предлага́ю мл҃твенника, и҆мѣ́ѧй мно́жество грѣхѡ́въ, и҆ вопїю́ ти крⷭ҇ти́телю: ѿсѣче́нїе мѝ долгѡ́въ, пребл҃же́нне, пода́ждь, и҆ возжзѝ дꙋшѝ моеѧ̀ свѣти́льникъ ᲂу҆га́сшїй лѣ́ностїю до конца̀. Со безпло́тными а҆́гг҃лы, съ честны́ми а҆пⷭ҇лы, со страстоте́рпцы сщ҃е́нными, и҆ со прⷪ҇ро́ки прⷣте́че, пребл҃га́го бг҃а молѝ всегда̀, ᲂу҆лꙋчи́ти на́мъ бла̑гъ вѣ́чныхъ, ѡ҆бога́щшымсѧ всегда̀ тобо́ю предста́телемъ бл҃ги́мъ. Ла́стовице кра́снаѧ, сла́вїе чⷭ҇тны́й, го́лꙋбе предо́брый, пꙋстынелю́бнаѧ го́рлице, гдⷭ҇ень крⷭ҇ти́телю, пꙋсты́нное прозѧбе́нїе, запꙋстѣ́вшꙋю безпло́дїемъ дꙋ́шꙋ мою̀ покажѝ плодоно́снꙋ до́брымъ. Бг҃оро́диченъ: Но́сиши носѧ́щаго всѧ́чєскаѧ, ꙗ҆́коже прⷭ҇то́лъ херꙋві́мскїй, и҆ пита́еши пита́ющаго на́съ: є҆го́же непреста́ннѡ молѝ, бг҃ора́дованнаѧ чⷭ҇таѧ, трꙋ́са, паде́жа, плѣне́нїѧ, и҆ всѧ́кїѧ нꙋ́жды, твоемꙋ̀ ста́дꙋ и҆зба́витисѧ при́снѡ. Та́же, Досто́йно є҆́сть: и҆ покло́нъ. Є҆ктенїа̀ ма́лаѧ, и҆ свѣти́ленъ, и҆ ѱалмы̀ ѻ҆бы̑чныѧ. На стїхо́внѣ стїхи̑ры покаѧ́нны. Гла́съ а҃. И҆́нъ вѣ́къ тебѐ дꙋшѐ ѡ҆жида́етъ, и҆ сꙋдїѧ̀ хо́щетъ твоѧ̑ ѡ҆бличи́ти та̑йнаѧ и҆ лю̑таѧ. не пребꙋ́ди ᲂу҆́бѡ въ ни́хъ, но предварѝ вопїю́щи сꙋдїѝ: бж҃е, ѡ҆чи́сти мѧ̀ и҆ сп҃си́ мѧ. Сті́хъ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и, и҆ возра́довахомсѧ и҆ возвесели́хомсѧ: во всѧ̑ дни̑ на́шѧ возвесели́хомсѧ: за дни̑, въ нѧ́же смири́лъ ны̀ є҆сѝ, лѣ̑та, въ нѧ́же ви́дѣхомъ ѕла̑ѧ. и҆ при́зри на рабы̑ твоѧ̑, и҆ на дѣла̀ твоѧ̑, и҆ наста́ви сы́ны и҆́хъ. Не и҆скꙋсѝ менѐ сп҃се мо́й, лѣ́ностїю грѣхо́вною ѡ҆держи́ма, но воздви́гни моѐ помышле́нїе къ покаѧ́нїю, и҆ (с. 96) твоегѡ̀ вїногра́да дѣ́лателѧ и҆скꙋ́сна ꙗ҆ви́ мѧ. да́рꙋй мѝ є҆динонадесѧ́тагѡ часа̀ мздꙋ̀, и҆ ве́лїю млⷭ҇ть. Сті́хъ: И҆ бꙋ́ди свѣ́тлость гдⷭ҇а бг҃а на́шегѡ на на́съ, и҆ дѣла̀ рꙋ́къ на́шихъ и҆спра́ви на на́съ, и҆ дѣ́ло рꙋ́къ на́шихъ и҆спра́ви. Мч҃нченъ: Сі́и во́ини цр҃ѧ̀ вели́кагѡ проти́вишасѧ повелѣ́нїємъ мꙋчи́телєвымъ, до́блественнѣ неради́ша ѡ҆ мꙋ́кахъ, и҆ пре́лесть всю̀ попра́вше, досто́йнѡ вѣнча́ни бы́ша про́сѧтъ ᲂу҆ сп҃са ми́ра дꙋша́мъ на́шымъ, и҆ ве́лїѧ млⷭ҇ти. Сла́ва, и҆ ны́нѣ, бг҃оро́диченъ: Блꙋдни́цꙋ и҆ блꙋ́днаго а҆́зъ, и҆ разбо́йника побѣди́хъ, и҆ мытарѧ̀ прегрѣше́нїи преминꙋ́хъ, и҆ нїнеѵі́тѧны. ᲂу҆вы̀ мнѣ̀, что̀ бꙋ́дꙋ; ка́кѡ ᲂу҆бѣ́гнꙋ мꙋ́ки а҆́зъ ѻ҆каѧ́нный; чⷭ҇таѧ, припа́даю тѝ, ᲂу҆ще́дри мѧ̀ млⷭ҇тїю твое́ю, ꙗ҆́коже ѻ҆́ныѧ сн҃ъ тво́й сп҃слъ є҆́сть. Та́же: Бл҃го є҆́сть и҆сповѣ́датисѧ гдⷭ҇ви: Тропа́рь, є҆ктенїа̀, и҆ ѿпꙋ́стъ. Та́же ча́съ а҃-й, и҆ ѱалмы̀ ѻ҆бы̑чныѧ, и҆ про́чее, и҆ коне́чный ѿпꙋ́стъ. Во вто́рникъ бл҃жє́нны, гла́съ а҃: Снѣ́дїю и҆зведѐ и҆з̾ раѧ̀ вра́гъ а҆да́ма: крⷭ҇то́мъ же введѐ хрⷭ҇то́съ во́нь разбо́йника, помѧни́ мѧ гдⷭ҇и, вопїю́ща, є҆гда̀ прїи́деши во црⷭ҇твїи твое́мъ. Бл҃же́ни и҆́згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное. На всѧ́къ де́нь согрѣша́юща и҆ престꙋпа́юща твоѧ̑ за́пѡвѣди, ѡ҆брати́ мѧ бж҃е, и҆ ѿ мꙋче́нїѧ и҆схитѝ, ꙗ҆́кѡ да твоѐ неизрече́нное млⷭ҇рдїе сла́влю чл҃вѣколю́бче. Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ, и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди. Свѣти́льникъ ꙗ҆ви́лсѧ є҆сѝ бж҃їй прⷣте́че, предходѧ̀ незаходи́момꙋ свѣ́тꙋ, и҆з̾ ѻ҆́блака свѣ́тла возсїѧ́вшемꙋ на́мъ неизрече́ннѡ: при́снѡ того̀ ᲂу҆́бѡ молѝ, ᲂу҆ще́дрити и҆ сп҃стѝ дꙋ́шы на́шѧ. Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га на нбⷭ҇ѣ́хъ. (с. 97) Мч҃нченъ: Претерпѣ́вше многоплетє́нныѧ мꙋ̑ки, мч҃нцы всехва́льнїи, нбⷭ҇ныхъ вы́шнихъ бла̑гъ сподо́бистесѧ: тѣ́мъ ᲂу҆бл҃жа́етесѧ ѿ всѣ́хъ человѣ̑къ всегда̀. Сла́ва: Въ трїе́хъ ли́цѣхъ є҆ди́но бж҃ество̀ зна́емъ всѝ непресѣко́мо сꙋ́щее, со ѻ҆ц҃е́мъ сн҃а же и҆ дх҃а жива́го, безнача́льнѡ, неслїѧ́ннѡ, во вѣ́ки при́снѡ пребыва́ющее. И҆ ны́нѣ: По ржⷭ҇твѣ̀ приснодв҃о, ꙗ҆́коже пре́жде ржⷭ҇тва̀ сохрани́ласѧ є҆сѝ чⷭ҇таѧ, бг҃а ро́ждши пло́тїю: є҆го́же молѝ пречⷭ҇таѧ, плотски́хъ и҆ дꙋше́вныхъ страсте́й и҆зба́вити на́съ, мо́лимсѧ.
      FOOTER =
      #text =

      www.церковно-славянская-библия.рф


    X
    Книга Есфири ЕС Глас 1-й. Понедельник Православное осмысление творения мира. Выпуск 1 2 к коринфянам • www.церковно-славянская-библия.рф второе соборное посланиек коринфянам святого апостола павла Синодальный перевод. Книга пророка Аввакума (Авв) Книга премудрости Иисуса, сына Сирахова Тропари, поемые по Непорочнах в субботу Evlogitaria of the Reposed on saturday. Церковно-славянский язык Книга Екклезиаста или Проповедника Книга Пророка Амоса Книга Пророка Наума
     

    Глас 1-й. Вторник. Docs PDF

    54.146.5.196