Войдите в аккаунт Google. И обновите страницу
Послание к римляномъ святаго апостола павла
1
Книга Неемии (Неем) От Марка Святое Благовествование Троицкая родительская суббота, поминовение усопших the saturday before pentecost, the commemoration of those who have fallen asleep (soul saturday, memorial saturday) Третья книга Маккавейская (3Макк) ЦСЯ КНИГА БИБЛИЯ ЦСЯ КНИГА БИБЛИЯ ЦСЯ КНИГА БИБЛИЯ ЦСЯ КНИГА БИБЛИЯ

Послание к римляномъ святаго апостола павла


Послание к Римлянам — книга Нового Завета, принадлежит к числу посланий апостола Павла.
Глава 1. Зачало 79. Пáвелъ, рáбъ Иисýсъ Христóвъ, звáнъ апóстолъ, избрáнъ въ благовѣ́стiе Бóжiе, éже прéжде обѣщá прорóки сво­и́ми въ писáнiихъ святы́хъ, о Сы́нѣ сво­éмъ, бы́в­шемъ от­ сѣ́мене Дави́дова по плóти, наречéн­нѣмъ Сы́нѣ Бóжiи въ си́лѣ, по Дýху святы́ни, изъ воскресéнiя от­ мéртвыхъ, Иисýса Христá Гóспода нá­шего, и́мже прiя́хомъ благодáть и апóстол­ст­во въ послушáнiе вѣ́ры во всѣ́хъ язы́цѣхъ, о и́мени егó, въ ни́хже естé и вы́, звáни Иисýсу Христý: всѣ́мъ сýщымъ въ ри́мѣ воз­лю́блен­нымъ Бóгу, звáн­нымъ святы́мъ: [Зач..] благодáть вáмъ и ми́ръ от­ Бóга Отцá нá­шего, и Гóспода Иисýса Христá. Пéрвое ýбо благодарю́ Бóга мо­егó Иисýсомъ Христóмъ о всѣ́хъ вáсъ, я́ко вѣ́ра вáша воз­вѣщáет­ся во всéмъ мíрѣ: свидѣ́тель бо ми́ éсть Бóгъ, емýже служý дýхомъ мо­и́мъ во благовѣ­ст­вовáнiи Сы́на егó, я́ко безпрестáни пáмять о вáсъ творю́, всегдá въ моли́твахъ мо­и́хъ моля́ся, áще ýбо когдá поспѣ́шенъ бýду вóлею Бóжiею прiити́ къ вáмъ: желáю бо ви́дѣти вáсъ, да нѣ́кое подáмъ вáмъ даровáнiе духóвное, ко утверждéнiю вá­шему: сié же éсть, со­утѣ́шитися въ вáсъ вѣ́рою óбщею, вá­шею же и мо­éю. Не хощý же не вѣ́дѣти вáмъ, брáтiе, я́ко мнóжицею восхотѣ́хъ прiити́ къ вáмъ, и воз­бранéнъ бы́хъ досéлѣ, да нѣ́кiй плóдъ имѣ́ю и въ вáсъ, я́коже и въ прóчихъ язы́цѣхъ. Е́ллиномъ же и вáрвавомъ, мýдрымъ же и неразýмнымъ дóлженъ éсмь: тáко éсть, éже по мо­емý усéрдiю и вáмъ сýщымъ въ ри́мѣ благовѣсти́ти. Не стыжýся бо благовѣ­ст­вовáнiемъ Христóвымъ: си́ла бо Бóжiя éсть во спасéнiе вся́кому вѣ́ру­ю­щему, Иудéови же прéжде и éллину. Прáвда бо Бóжiя въ нéмъ явля́ет­ся от­ вѣ́ры въ вѣ́ру, я́коже éсть пи́сано: прáведный же от­ вѣ́ры жи́въ бýдетъ. [Зач. 80.] Открывáет­ся бо гнѣ́въ Бóжiй съ небесé на вся́кое нечéстiе и непрáвду человѣ́ковъ, содержáщихъ и́стину въ непрáвдѣ: занé разýмное Бóжiе {éже воз­мóжно разумѣ́ти о Бóзѣ} я́вѣ éсть въ ни́хъ, Бóгъ бо яви́лъ éсть и́мъ: неви́димая бо егó, от­ создáнiя мíра творéньми помышля́ема, ви́дима сýть, и при­­сносýщная си́ла егó и Боже­с­т­вó, во éже бы́ти и́мъ безот­вѣ́тнымъ. Занéже разумѣ́в­ше Бóга, не я́ко Бóга прослáвиша или́ благодари́ша, но осуети́шася помышлéнiи свóими, и омрачи́ся неразýмное и́хъ сéрдце: глагóлющеся бы́ти мýдри, обюродѣ́ша, и измѣни́ша слáву нетлѣ́н­наго Бóга въ подóбiе о́браза тлѣ́н­на человѣ́ка и пти́цъ и четверонóгъ и гáдъ: тѣ́мже и предадé и́хъ Бóгъ въ пóхотехъ сердéцъ и́хъ въ нечистотý, во éже скверни́тися тѣлесéмъ и́хъ въ себѣ́ самѣ́хъ: и́же премѣни́ша и́стину Бóжiю во лжý, и почтóша и послужи́ша твáри пáче творцá, и́же éсть благословéнъ во вѣ́ки, ами́нь. Сегó рáди предадé и́хъ Бóгъ въ стрáсти безчéстiя: и жены́ бо и́хъ измѣни́ша естé­с­т­вен­ную подóбу въ презъестé­с­т­вен­ную: тáкожде и мýжiе, остáвльше естé­с­т­вен­ную подóбу жéнска пóла, разжегóшася пóхотiю сво­éю дрýгъ на дрýга, мýжи на мужéхъ стýдъ содѣвáюще, и воз­мéздiе, éже подобá­ше прéлести и́хъ, въ себѣ́ воспрiéмлюще. [Зач. 81.] И я́коже не искуси́ша имѣ́ти Бóга въ рáзумѣ, [сегó рáди] предадé и́хъ Бóгъ въ неискýсенъ ýмъ, твори́ти неподóбная, испóлненыхъ вся́кiя непрáвды, блужéнiя, лукáв­ст­ва, лихо­имáнiя, злóбы: испóлненыхъ зáвисти, убíй­ст­ва, рвéнiя, льсти́, злонрáвiя: шепотники́, клеветники́, богомéрзки, досади́тели, величáвы, гóрды, обрѣтáтели злы́хъ, роди́телемъ непокори́вы, неразýмны, непримири́телны, нелюбóвны, неклятвохрани́телны, неми́лостивны. Нѣ́цыи же и оправдáнiе Бóжiе разумѣ́в­ше, я́ко таковáя творя́щiи достóйни смéрти сýть, не тóчiю сáми творя́тъ, но и со­изволя́ютъ творя́щымъ.

К римлянам послание Павла


Прочитать текст гражданским шрифтом >>>
String could not be parsed as XML