Отпустительные воскресные, восьми гласов, с Богородичными и ипакои их Resurrectional dismissal troparia in the eight modes, with their Theotokia and Hypakoai   ЧИСТЫЙ ИНТЕРНЕТ о Библии
1
Книга Пророка Варуха К Тимофею первое послание святого апостола Павла the first Epistle of the holy apostle paul to timothy Отпустительные воскресные, восьми гласов, с Богородичными и ипакои их Второе Соборное послание св. Ап. Иоанна Богослова (2Ин) Отпустительные воскресные, восьми гласов, с Богородичными и ипакои их Последование утрени Первое послание св. Ап. Павла к Фессалоникийцам (1Фес) Синодальный перевод. Книга Притчей Соломоновых (Притчи) Среда. Глас первый. Октоих. Соборное послание второе святого апостола Петра Прп. Ефрем Сирин. Толкование на послания божественного Павла. Послание к Ефесянам

Отпустительные воскресные, восьми гласов, с Богородичными и ипакои их

Resurrectional dismissal troparia in the eight modes, with their Theotokia and Hypakoai
    В воскресенье, 25 октября, русские дружины торжественно, с Крестным ходом, пошли
Fri, 21 Jul 2017 04:37:19 GMT
    Глас 5-й Явление иконы Пресвятой Богородицы во граде Казани (1579) 1 октября (14 октября по н.ст
Fri, 21 Jul 2017 08:02:10 GMT
    В воскресенье, 25 октября, русские дружины торжественно, с Крестным ходом, пошли в
Fri, 21 Jul 2017 04:30:27 GMT
    В воскресенье, 25 октября, русские дружины торжественно, с Крестным ходом, пошли
Fri, 21 Jul 2017 10:09:44 GMT
    Глас 5. (Петров пост).
Fri, 21 Jul 2017 04:12:08 GMT
    В воскресенье, 25 октября, русские дружины торжественно, с Крестным ходом, пошли
Fri, 21 Jul 2017 11:08:32 GMT
    Сомневаюсь…Р.S. Этот комментарий к последнему гласу из минздрава оставил один из
Fri, 21 Jul 2017 03:24:59 GMT

    (с. 240)
    Ѿпꙋсти́тельнїи воскрⷭ҇ны ѻ҆смѝ гласѡ́въ, съ бг҃оро́дичны и҆ ѵ҆пакоѝ и҆́хъ
    Тропа́рь, гла́съ а҃:
    Ка́мени запеча́танꙋ ѿ і҆ꙋдє́й, и҆ во́инѡмъ стрегꙋ́щымъ пречⷭ҇тое тѣ́ло твоѐ, воскре́слъ є҆сѝ тридне́вный сп҃се, да́рꙋѧй мі́рови жи́знь. сегѡ̀ ра́ди си̑лы нбⷭ҇ныѧ вопїѧ́хꙋ тѝ, жизнода́вче: сла́ва воскрⷭ҇нїю твоемꙋ̀ хрⷭ҇тѐ, сла́ва црⷭ҇твїю твоемꙋ̀, сла́ва смотре́нїю твоемꙋ̀, є҆ди́не чл҃вѣколю́бче.
    Бг҃оро́диченъ:
    Гаврїи́лꙋ вѣща́вшꙋ тебѣ̀ дв҃о, ра́дꙋйсѧ! со гла́сомъ воплоща́шесѧ всѣ́хъ влⷣка, въ тебѣ̀ ст҃ѣ́мъ кївѡ́тѣ, ꙗ҆́коже речѐ пра́ведный дв҃дъ: ꙗ҆ви́ласѧ є҆сѝ ши́ршаѧ нб҃съ, поноси́вши зижди́телѧ твоего̀. сла́ва все́льшемꙋсѧ въ тѧ̀, (с. 241) сла́ва проше́дшемꙋ и҆з̾ тебѐ, сла́ва свободи́вшемꙋ на́съ ржⷭ҇тво́мъ твои́мъ.
    Ѵ҆пакоѝ:
    Разбо́йничо покаѧ́нїе ра́й ѡ҆кра́де, пла́чь же мѷроно́сицъ ра́дость возвѣстѝ, ꙗ҆́кѡ воскре́слъ є҆сѝ хрⷭ҇тѐ бж҃е, подаѧ́й мі́рови ве́лїю млⷭ҇ть.
    Тропа́рь, гла́съ в҃:
    Є҆гда̀ снизше́лъ є҆сѝ къ сме́рти, животѐ безсме́ртный, тогда̀ а҆́дъ ᲂу҆мертви́лъ є҆сѝ блиста́нїемъ бж҃ества̀: є҆гда́ же и҆ ᲂу҆ме́ршыѧ ѿ преиспо́днихъ воскр҃си́лъ є҆сѝ, всѧ̑ си̑лы нбⷭ҇ныѧ взыва́хꙋ: жизнода́вче, хрⷭ҇тѐ бж҃е на́шъ, сла́ва тебѣ̀.
    Бг҃оро́диченъ:
    Всѧ̑ па́че смы́сла, всѧ̑ пресла̑внаѧ твоѧ̑ бцⷣе, та̑инства, ꙾чистотѣ̀ запеча́танной, и҆ дѣ́вствꙋ храни́мꙋ꙾[1], мт҃и позна́ласѧ є҆сѝ нело́жна, бг҃а (с. 242) ро́ждши и҆́стиннаго: того̀ молѝ сп҃сти́сѧ дꙋша́мъ на́шымъ.
    Ѵ҆пакоѝ:
    По стрⷭ҇ти ше́дше во гро́бъ жєны̀, во є҆́же пома́зати тѣ́ло твоѐ хрⷭ҇тѐ бж҃е, ви́дѣша а҆́гг҃лы во гро́бѣ, и҆ ᲂу҆жасо́шасѧ: гла́съ бо слы́шахꙋ ѿ ни́хъ, ꙗ҆́кѡ воскр҃се гдⷭ҇ь, да́рꙋѧй мі́рови ве́лїю млⷭ҇ть.
    Тропа́рь, гла́съ г҃:
    Да веселѧ́тсѧ нбⷭ҇наѧ, да ра́дꙋютсѧ земна̑ѧ, ꙗ҆́кѡ сотворѝ держа́вꙋ мы́шцею свое́ю гдⷭ҇ь, попра̀ сме́ртїю сме́рть, пе́рвенецъ ме́ртвыхъ бы́сть, и҆з̾ чре́ва а҆́дова и҆зба́ви на́съ, и҆ подадѐ мі́рови ве́лїю млⷭ҇ть.
    Бг҃оро́диченъ:
    Тѧ̀ хода́тайствовавшꙋю сп҃се́нїе ро́да на́шегѡ, воспѣва́емъ бцⷣе дв҃о: пло́тїю бо ѿ тебѐ воспрїѧ́тою, сн҃ъ тво́й и҆ (с. 243) бг҃ъ на́шъ, крⷭ҇то́мъ воспрїи́мъ стрⷭ҇ть, и҆зба́ви на́съ ѿ тлѝ ꙗ҆́кѡ чл҃вѣколю́бецъ.
    Ѵ҆пакоѝ:
    Оу҆дивлѧ́ѧ видѣ́нїемъ, ѡ҆роша́ѧ глаго́ланїи, блиста́ѧйсѧ а҆́гг҃лъ мѷроно́сицамъ глаго́лаше: что̀ жива́гѡ и҆́щете во гро́бѣ; воста̀ и҆стощи́вый гро́бы, тлѝ премѣни́телѧ разꙋмѣ́йте непремѣ́ннаго, рцы́те бг҃ови: ко́ль стра̑шна дѣла̀ твоѧ̑, ꙗ҆́кѡ ро́дъ сп҃слъ є҆сѝ человѣ́ческїй.
    Тропа́рь, гла́съ д҃:
    Свѣ́тлꙋю воскрⷭ҇нїѧ про́повѣдь ѿ а҆́гг҃ла ᲂу҆вѣ́дѣвшѧ гдⷭ҇ни ᲂу҆ч҃нцы, и҆ пра́дѣднее ѡ҆сꙋжде́нїе ѿве́ргшѧ, а҆пⷭ҇лѡмъ хва́лѧщѧсѧ глаго́лахꙋ, и҆спрове́ржесѧ сме́рть, воскр҃се хрⷭ҇то́съ бг҃ъ, да́рꙋѧй мі́рови ве́лїю млⷭ҇ть.
    Бг҃оро́диченъ:
    Є҆́же ѿ вѣ́ка ᲂу҆тае́ное и҆ а҆́гг҃лѡмъ несвѣ́домое та́инство, тобо́ю бцⷣе, (с. 244) сꙋ́щымъ на землѝ ꙗ҆ви́сѧ бг҃ъ, въ несли́тномъ соедине́нїи воплоща́емь: и҆ крⷭ҇тъ во́лею на́съ ра́ди воспрїи́мъ, и҆́мже воскр҃си́въ первозда́ннаго, сп҃сѐ ѿ сме́рти дꙋ́шы на́шѧ.
    Ѵ҆пакоѝ:
    Ꙗ҆̀же твоегѡ̀ пресла́внагѡ воста́нїѧ предте́кшыѧ мѷронѡ́сицы, а҆пⷭ҇лѡмъ проповѣ́дахꙋ хрⷭ҇тѐ: ꙗ҆́кѡ воскре́слъ є҆сѝ ꙗ҆́кѡ бг҃ъ, подаѧ́й мі́рови ве́лїю млⷭ҇ть.
    Тропа́рь, гла́съ є҃:
    Собезнача́льное сло́во ѻ҆ц҃ꙋ̀ и҆ дх҃ови, ѿ дв҃ы ро́ждшеесѧ на сп҃се́нїе на́ше, воспои́мъ вѣ́рнїи, и҆ поклони́мсѧ: ꙗ҆́кѡ бл҃говолѝ пло́тїю взы́ти на крⷭ҇тъ, и҆ сме́рть претерпѣ́ти, и҆ воскр҃си́ти ᲂу҆ме́ршыѧ, сла́внымъ воскресе́нїемъ свои́мъ.
    Бг҃оро́диченъ:
    Ра́дꙋйсѧ две́ре гдⷭ҇нѧ непроходи́маѧ: ра́дꙋйсѧ стѣно̀ и҆ покро́ве притека́ющихъ къ тебѣ̀. ра́дꙋйсѧ неѡбꙋрева́емое (с. 245) приста́нище и҆ неискꙋсобра́чнаѧ, ро́ждшаѧ пло́тїю творца̀ твоего̀ и҆ бг҃а: молѧ́щи не ѡ҆скꙋдѣва́й ѡ҆ воспѣва́ющихъ и҆ кла́нѧющихсѧ ржⷭ҇твꙋ̀ твоемꙋ̀.
    Ѵ҆пакоѝ:
    А҆́гг҃льскимъ зра́комъ ᲂу҆́мъ смꙋща́ющыѧ, и҆ бж҃е́ственнымъ воста́нїемъ дꙋше́ю просвѣща́ємыѧ, мѷронѡ́сицы а҆пⷭ҇лѡмъ бл҃говѣствова́хꙋ: возвѣсти́те во ꙗ҆зы́цѣхъ воскрⷭ҇нїе, гдⷭ҇ꙋ содѣ́йствꙋющꙋ чꙋдесы̀, подаю́щемꙋ на́мъ ве́лїю млⷭ҇ть.
    Тропа́рь, гла́съ ѕ҃:
    А҆́гг҃льскїѧ си́лы на гро́бѣ твое́мъ, и҆ стрегꙋ́щїи ѡ҆мертвѣ́ша, и҆ стоѧ́ше мр҃і́а во гро́бѣ, и҆́щꙋщи пречⷭ҇тагѡ тѣ́ла твоегѡ̀. плѣни́лъ є҆сѝ а҆́дъ, не и҆скꙋси́всѧ ѿ негѡ̀: срѣ́тилъ є҆сѝ дв҃ꙋ, да́рꙋѧй живо́тъ, воскр҃сы́й и҆з̾ ме́ртвыхъ гдⷭ҇и, сла́ва тебѣ̀. (с. 246)
    Бг҃оро́диченъ:
    Бл҃гослове́ннꙋю нарекі́й твою̀ мт҃рь, прише́лъ є҆сѝ на стра́сть во́льнымъ хотѣ́нїемъ, возсїѧ́въ на крⷭ҇тѣ̀: взыска́ти хотѧ̀ а҆да́ма, глаго́лѧ а҆́гг҃лѡмъ: сра́дꙋйтесѧ мнѣ̀: ꙗ҆́кѡ ѡ҆брѣ́тесѧ поги́бшаѧ дра́хма. всѧ̑ мꙋ́дрѣ ᲂу҆стро́ивый бж҃е на́шъ, сла́ва тебѣ̀.
    Ѵ҆пакоѝ:
    Во́льною и҆ животворѧ́щею твое́ю сме́ртїю, хрⷭ҇тѐ, врата̀ а҆́дѡва сокрꙋши́въ ꙗ҆́кѡ бг҃ъ, ѿве́рзлъ є҆сѝ на́мъ дре́внїй ра́й, и҆ воскр҃съ и҆з̾ ме́ртвыхъ, и҆зба́вилъ є҆сѝ ѿ тлѣ́нїѧ живо́тъ на́шъ.
    Тропа́рь, гла́съ з҃:
    Разрꙋши́лъ є҆сѝ крⷭ҇то́мъ твои́мъ сме́рть, ѿве́рзлъ є҆сѝ разбо́йникꙋ ра́й, мѷроно́сицамъ пла́чь преложи́лъ є҆сѝ, и҆ а҆пⷭ҇лѡмъ проповѣ́дати повелѣ́лъ є҆сѝ, ꙗ҆́кѡ воскре́слъ є҆сѝ хрⷭ҇тѐ бж҃е, да́рꙋѧй мі́рови ве́лїю млⷭ҇ть. (с. 247)
    Бг҃оро́диченъ:
    Ꙗ҆́кѡ на́шегѡ воскрⷭ҇нїѧ сокро́вище, на тѧ̀ надѣ́ющыѧсѧ всепѣ́таѧ, ѿ ро́ва и҆ глꙋбины̀ прегрѣше́нїй возведѝ. ты́ бо пови̑нныѧ грѣхꙋ̀ сп҃сла̀ є҆сѝ, ро́ждшаѧ сп҃се́нїе на́ше: ꙗ҆́же пре́жде ржⷭ҇тва̀ дв҃а, и҆ въ ржⷭ҇твѣ̀ дв҃а, и҆ по ржⷭ҇твѣ̀ па́ки пребыва́еши дв҃а.
    Ѵ҆пакоѝ:
    И҆́же на́шъ зра́къ воспрїе́мый, и҆ претерпѣ́вый крⷭ҇тъ пло́тски, сп҃си́ мѧ воскрⷭ҇нїемъ твои́мъ, хрⷭ҇тѐ бж҃е, ꙗ҆́кѡ чл҃вѣколю́бецъ.
    Тропа́рь, гла́съ и҃:
    Съ высоты̀ снизше́лъ є҆сѝ бл҃гоꙋтро́бне, погребе́нїе прїѧ́лъ є҆сѝ тридне́вное, да на́съ свободи́ши страсте́й, животѐ и҆ воскрⷭ҇нїе на́ше, гдⷭ҇и, сла́ва тебѣ̀.
    Бг҃оро́диченъ:
    И҆́же на́съ ра́ди рожде́йсѧ ѿ дв҃ы, и҆ распѧ́тїе претерпѣ́въ бл҃гі́й, и҆спрове́ргїй (с. 248) сме́ртїю сме́рть, и҆ воскрⷭ҇нїе ꙗ҆вле́й ꙗ҆́кѡ бг҃ъ, не пре́зри, ꙗ҆̀же созда́лъ є҆сѝ рꙋко́ю твое́ю: ꙗ҆вѝ чл҃вѣколю́бїе твоѐ млⷭ҇тиве, прїимѝ ро́ждшꙋю тѧ̀ бцⷣꙋ, молѧ́щꙋюсѧ за ны̀, и҆ сп҃сѝ сп҃се на́шъ, лю́ди ѿча̑ѧнныѧ.
    Ѵ҆пакоѝ:
    Мѷронѡ́сицы жизнода́вца предстоѧ́щыѧ гро́бꙋ, влⷣкꙋ и҆ска́хꙋ въ ме́ртвыхъ безсме́ртнаго, и҆ ра́дость бл҃говѣ́щенїѧ ѿ а҆́гг҃ла прїе́мшыѧ, а҆пⷭ҇лѡмъ возвѣща́хꙋ, ꙗ҆́кѡ воскр҃се хрⷭ҇то́съ бг҃ъ, подаѧ́й мі́рови ве́лїю млⷭ҇ть.

    [1] чистото́ю запечатлѣ́нна, и҆ дв҃ствомъ храни́ма

    This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.

Fri, 21 Jul 2017 03:24:59 GMT
    И ныне, Богородичен воскресен, глас тойже: Се исполнися Исаиино проречение: На
Sun, 02 Jul 2017 10:33:23 GMT
    «Слава, и ныне» – Богородичен Минеи, глас тот же.
Tue, 11 Jul 2017 12:23:47 GMT
www.церковно-славянская-библия.рф
X
Соборное послание св. Ап. Иакова (Иак) Евангелие от Матфея (Мф) Чин литии об усопших - чин litija по усопшим Избрание святых семидесяти апостолов Remarks on the seventy apostles, by dorotheus, Bishop of tyre. Церковно-славянский язык Среда. Глас первый. Октоих. Великое повечерие Синодальный перевод. Книга Судей (Суд) Соборное послание второе святого апостола Иоанна Богослова the second general Epistle of the holy apostle john the theologian Книга Пророка Исаии Седмица ваий (с понедельника по пяток)
 

54.156.78.4